Aıtýynsha, bárine joqshylyq sebep bolǵan kórinedi. Túngi klýbta kúzetshi bolyp jumys istegen ol úsh aı boıy jalaqy almaǵan, sóıtip úıinen jumys izdep shyqsa kerek. О́zge qalaǵa ushyp ketpek bolǵanda Botagóz Muhtarovanyń toqtatýy onyń ashýyna tıipti. Degenmen «áýejaıdy jaryp jiberý oıymda bolǵan joq» deıdi zeınetker.
«Ishteı kúızelip júrdim, biraq eshkimge aıta almadym. Úsh aı qatarynan qarjydan qınaldym. Áýejaıda ushaqtyń Astanaǵa ushatyny týraly habarlandyrýdy estidim. Oıyma ne kelgenin bilmeımin, ári qaraı ótip ketemin dep oıladym. Qaltamda tek 7 myń teńge boldy. Tekserý aımaǵyna esh kedergisiz jettim. Keıin qyzmetker ary qaraı ótýime jol bermedi. Bul jaǵdaı meni qatty ashýlandyrdy», - deıdi Mashrapbek Baratov.
Aıta keteri, Mashrapbek Baratovqa úsh bap boıynsha aıyp taǵylǵan. Kepilge alý, qarý qoldana otyryp buzaqylyq jasaý jáne terrorızm týraly jalǵan habar berý baptary boıynsha jaýapqa tartyldy.
Eske salaıyq, ótken aıda er adam Almaty áýejaıynda qyzmetker qyzdy kepilge alyp, oǵan pyshaq kezegen bolatyn. Al Musa Ábdiraıym esimdi azamat qyzdy qutqaryp kepilge ózin usynady. Keıin qaskóıdi sózge aınaldyryp, qolyndaǵy pyshaǵyn tartyp alǵan bolatyn.
