Jánibektiń jarqyn jeńisi

Kásipqoı boksta jeńilip kórmegen, 16 jekpe-jek ótkizip, 11 aıqasyna nokaýtpen núkte qoıǵan Jánibek Álimhanuly kezekti jeńisin enshiledi. Qarsy­lasy fransııalyq Anaýel Ngamıssenge de – kásipqoı boksta 13 jekpe-jek ótkizip, barlyǵynda jeńiske jetken jampoz.

Aıqas aldyndaǵy baspasóz máslıhatynda Ngamıssenge: «Men ózimniń áleýetimdi pash etý­ge keldim, orta salmaqta chem­­­­pıondyq belbeýden úmitim zor»,­ dep kókeıindegisin aqta­ryp­ salǵan edi. Jánibek jan­kúıer­­lerine shoý syılaıtynyn aıtqan-dy.

Rasynda da aıta júrer aıqas ótti. 12 raýndqa rásim­delgen jekpe-jek tipti 1-raýnd­ta túgesile jazdady. Jánibektiń joıqyn soq­qysynan eseńgi­rep qalǵan qarsylasy nokdaýn alǵan edi, alaıda gong úni qutqaryp ketti. Ekeýi de solaqaı bolǵandyqtan, urymtal tusty kóp ańdysty. Jánibek qorǵanysta qymtanyp almaı, ashyq urysqa shaqy­ryp, qarsylasyn qamshylap otyrdy da, 5-raýndta shyqshyttan eki márte soǵyp sulatyp tú­sirdi.

«Sóz joq, Jánibek talantty boksshy, orta salmaqtyń serkesi ekenin moıyndaımyn. Meniń maqsatym – táýekelge barý. Qarsylastyń qarymy­nan júreksinbeı aıqastym. Sarapshylar meni aıqastyń aldynda-aq «ońaı olja» dep baǵalap, 3-raýndtan asa almaıtynyma sáýegeılik tanytty. Ras, jeńiliske eshkimdi aıyptamaımyn. Uzaq ýaqyt ázirlik ótkizdim, jeńemin dep umtyldym. Alaıda qar­syla­symnyń deńgeıi men oı­laǵannan da joǵary eken. Kásipqoı bokstaǵy alǵashqy jeńiliske ishim ashıtyny, kóńilim qulazıtyny ras, biraq orasan tájirıbe jınadym», dedi A.Ngamıssenge.

Anaýel 5-raýndta re­ferıdiń jekpe-jekti toqtat­qanyna shaǵym aıtpaıtynyn da jetkizdi. «Tóreshiniń sheshimin qýattaımyn. Men et qyzýymen aıqasty jalǵastyrsam, budan da aýyr soqqylar alyp, den­saý­lyǵymdy tipti qurtyp ala­tynym daýsyz edi», degen boks­shy Jánibekke sáttilik tiledi.

Jekpe-jekten keıin Jáni­bek Álim­­hanuly qol­daý kór­setken barsha jan­kúıer­­ge rızashylyq bildir­di. «Qur­metti jerles­ter, bul biz­­diń komandanyń ǵana jeńisi emes, eldiń ortaq je­tis­tigi. Biz munymen toq­ta­maı­myz, enshimizde eki bir­deı tujyrymnyń chem­pıon­d­yq belbeýi bar, áli bas­­qa tu­jy­rym­dardyń da bel­beýin ala­myz. Bizdiń óz eli­miz­de osyn­­daı jekpe-jek ótki­zýge mu­ryndyq bolǵan uıym­das­ty­rý­shy­larǵa, alań­syz jat­ty­ǵýǵa múm­kindik tý­dyrǵan jan­ashyr aza­mat­­tarǵa alǵys aıta­myn», dedi.

Menedjer Berik Sultan bul aıqasqa ázirlikti Shymkent qalasynda júrgizgenin aıtty. Sparrıng ótkizýge ulttyq qu­rama músheleri Aman Qo­nys­baev, Nurqanat Raıys, Bek­sul­tan Manap sekildi boks­shy­lar­dyń septigi tıgenin málim etti.

Qos boksshynyń sporttyq jylnamasynda sáıkestik bar. Ekeýi de 2016 jyly Rıo Olım­pıadasyna 75 kg salmaq dáre­je­sinde qatysty. Anaýel ol kezde óziniń atajurty Kongo mem­leketiniń namysyn qor­ǵaǵan edi. Alaıda alǵashqy aına­­lymda aljırlik Ilııas Abba­­dıge ese jiberdi. Jánibek sol Abba­dıdi shırek fınalǵa shyǵarda aıqyn jeńgen bolatyn.

Astanadaǵy kásipqoı boks keshiniń aıasynda ıaǵnı anderkardta birneshe sańlaq jekpe-jek ótkizdi. Jartylaı orta sal­maqta jerlesimiz Álisher Ábdýálim ún­dis­tandyq Ashısh Chaýdharıdi upaı basymdyǵymen eńserdi. Kásipqoı boksta buǵan deıin 3 márte aıqasqa túsip, ekeýinde nokaýtpen utqan Álisherdiń soqqylaryna qarsylasy tó­tep berdi. О́kinishke qaraı, Aq­nıet Álimbaı (jartylaı orta salmaq) chehııalyq Io­zef Dýbskıge ese jiberdi. Jar­tylaı orta salmaqta óziniń de­bıýttik jekpe-jegine shyqqan Tórehan Sabyrhan cheh boks­shy­sy Iırjı Haýkeni 3-raýnd­ta tehnıkalyq nokaýtpen utty. О́zbekstandyq Otabek Holmatov fılıppındik Djeı­son Kano Manıgosty 8-raýndta nokaýt­pen jeńdi. Jeńil salmaqta synǵa túsken jerlesimiz Balaýsa Muzdyman Fılıppın qyzy Marııa Tereza Pınılıden upaı sanymen basym tústi. Ekinshi jeńil sal­maqta baǵyn synaǵan Mah­mud Sabyrhan vetnamdyq Dang Dak Haınhti 2-raýndta tehnıkalyq nokaýtpen utty. Mahmudtyń qarsylasy aıqasqa bir kún qalǵanda aýysty. Áý basta kolýmbııalyq Nıkolas Tordesııalıamen tartysqa túsetini belgili bolǵan. Alaı­da uıymdastyrýshylar «ót­kel ústinde at aýystyryp» Haınhty aldyrdy.

Birinshi orta salmaqta Batyr Jú­kembaev (23-1, 17 KO) pen brıtandyq Keın Gardnerdiń ­(17-4, 7 KO) jek­pe-jegi 10 raýnd­qa ula­syp, tóreshilerdiń sheshi­mi­men Batyr jeńiske jetti. «Eli­miz­de dál mundaı aýqym­da uıym­das­tyrylǵan boks keshinde saıysqa túsý maǵan zor mártebe boldy. Qar­sylasym osal emes, nokaýtpen jeńsem dep jos­parladym, biraq qorǵanysy myǵym Keın kóp soq­qymdy darytpady. 5 sáýir – meniń týǵan kúnim. Tól merekemde ózime ózim syı jasaǵandaı boldym», dedi Batyr.

Sport keshenine jınalǵan qalyń jankúıer de, kógildir ekranǵa kóz sýa­ryp boks keshin tikeleı efırden tamashalaǵan kórermen de eki dúrkin Olım­pıada chempıony, áýesqoı boks­ta júrip te kásipqoı jekpe-jekke 14 ret túsip, barlyq aıqa­syn nokaýtpen utqan ózbek­standyq sańlaq Bahadúr Ja­lo­­lov nokaýtpen jeńedi dep sengen edi. Alaıda ýkraınalyq Igor She­vadzýskıı (12-2, 10 KO) 10 raýndtyq jekpe-jekte Bahadúrdiń joıqyn soq­qysyna tótep berdi. Tóreshiler raýnd saıyn shabýyldaǵanyn eskerip, ózbek boksshysynyń enshisine jeńis jazdy.

IBF Intercontinental tujy­rymy boıynsha ekinshi or­ta sal­maqtaǵy jekpe-jek jer­lesimiz Sultan Zaýrbek (19-0, 13 KO) pen Ońtústik Afrıka Res­­­­pýb­lıkasynyń boksshysy Azınga Fýzıle 18-2, 12 KO) arasynda ótip, 10 raýndtyń qory­tyndysynda Sultan jeńiske jetti.

Elorda tórindegi kásip­qoı boks keshin «Nomad Promotions» kompanııasy uıym­­­dastyrdy. Byltyr ǵana qu­­ryl­ǵan kompanııa keleshekte kásip­­qoı boks juldyzdarynyń basyn qosyp, aýqymdy aıqas ótki­zýdi jos­parlap otyr. Pro­moý­terlik ujym 30 jyldan beri kásipqoı boks órisinde eńseli isterdi ıge­rip júrgen brıtandyq «Excelsior Sports Club» uıymymen tyǵyz ynty­maqtastyq ornatqan.