Ulttyq kompanııanyń baspasóz qyzmeti habarlaǵandaı, bul quraldar analıtıkany daıyndaý ýaqytyn aıtarlyqtaı qysqartýǵa, sondaı-aq adam faktorynyń áserin barynsha azaıtýǵa múmkindik beredi. Zamanaýı quraldar kompanııa qyzmetkerleriniń jumysyn jeńildetýmen qatar, kez kelgen aqparatty jyldam alyp otyrýyna múmkindik týdyrady.
«Syrtqy aýdıtorııamen ózara árekettesý úshin ortalyqtyń Telegram arnasymen biriktirilgen Telegram boty quryldy. Bul sheshim jedel baılanys pen aqparatty taratýdyń yńǵaıly arnasyna aınaldy. Sonymen qatar, jedel áreket etýdi qamtamasyz etetin jáne derekterdiń joǵalýyn boldyrmaıtyn sıfrlyq prosesterdiń jumysynda aqaýlar týyndaǵan jaǵdaıda jaýapty qyzmetkerlerdi dereý habardar etetin avtomatty habarlandyrý júıesi engizildi», dep habarlady kompanııa.
Osynaý bastamalardyń maqsaty – aqparatty óńdeý men taldaýdy jedeldetý, sonymen qatar ýaqyt pen operasııalyq shyǵyndardy qysqartý men jalpy júıeniń ashyqtyǵy men basqarylýyn arttyrý. Sóıtip jumys prosesi tıimdi úılestiriledi.
Anyǵynda bıznesti transformasııalaý ortalyǵy avtomattandyrý men sıfrlandyrý dıreksııasymen birlesip, ınfraqurylymǵa qyzmet kórsetýge ushqyshsyz tehnologııalardy engizýge baǵyttalǵan pılottyq jobany da júzege asyryp jatyr. Áńgime temirjol ınfraqurylymynyń nysandaryn tekserý úshin drondar men ónerkásiptik robottardy paıdalaný týraly bolyp otyr. Bul tásil joldar men kópirlerdiń jáne basqa da obektilerdiń jaı-kúıin jedel baqylaýǵa, jumys ornynda personaldyń turaqty bolýy qajettiligin azaıtýǵa, jetý qıyn nemese yqtımal qaýipti aımaqtarǵa qoljetimdilikti qamtamasyz etýge múmkindik beredi.
Bul syndy saýalnamanyń nátıjeleri ınfraqurylymdy tekserý jáne monıtorıngi, óndiristik prosesti baqylaý, 3D kartasyn jasaý jáne aqaýlardy erte anyqtaý sııaqty salalarda osy tehnologııalardyń áleýetin dálirek baǵalaýǵa múmkindik beredi dep kútilýde. Mundaı jobalar kompanııanyń sıfrlyq transformasııaǵa baǵyttalǵan strategııalyq kýrsynda mańyzdy ról atqarady jáne temirjol salasynyń qaýipsizdigin, turaqtylyǵyn jáne tıimdiligin arttyrýǵa yqpal etedi.
