Balýandar Bangkokta beldesedi

Elimizdiń tatamı she­ber­leri Azııa chempıonatynda tuńǵysh ret 1993 jyly boı kórsetti. Osyndaı iri dúrmekke alǵash ret qatysyp otyrǵanyna qaramastan, Makaoda elimizdiń erler quramasy 1 altyn, 1 kúmis, 3 qola oljalady. Ba­lýandarymyzdyń arasy­nan Ivan Karazelıdı (65 kg) qarsylas shaq keltirmese, Igor Peshkov (+95 kg) fınalda utyldy. Serik Adyǵanov (60 kg), Sergeı Álimjanov ­(85 kg), Sergeı Shákimov (95 kg) qola júldeni qorjynǵa saldy.

Kelesi jarys 1995 jyly Nıý-Delıde uıymdastyryldy. Ún­distannyń bas shaharynda S.Shá­kimov (95 kg) shashasyna shań juq­tyrmady. S.Álimjanov (85 kg) kúmispen kúptelse, Ahat Áshi­rov (71 kg) qolaǵa qol sozdy. Áıel­der quramasyna da úsh júlde bu­ıyrdy. Evgenıı Bogýnova (72 kg) ekinshi oryn alsa, Valentına Kamsýleva (61 kg) men Mánshúk Dáýletkereeva (+72 kg) úshinshi satyǵa taban tiredi. Osy nátıje jerlesterimizge jalpy esepte ozyq úsh komandanyń qatarynan kórinýge jetkilikti boldy.

1996 jyly Hoshımınde S.Shá­kimov (95 kg) top jarsa, A.Áshirov (71 kg) sheshýshi tusta súrindi. Kendi Altaıdyń qos arlany – Erjan Omarbaev (60 kg) pen Rýslan Seıilhanov (78 kg) qola medaldy moıyndaryna ildi. Qyzdarǵa qos qola buıyrdy. Onyń ıegerleri – Janat Nurtazına (66 kg) men E.Bogýnova (72 kg).

1997 jyly Manılada Pavlo­dar dzıýdo mektebiniń túlegi Ser­geı Shákimov (95 kg) úshinshi ret Azııanyń bas balýany atandy. Vıacheslav Berdýta +95 kg, absolıýtti salmaqta qola júldeni qanjyǵasyna baılady. Tarıel Qazıev (60 kg), R.Seıilhanov (78 kg), Musa Zaıpýllaev (86 kg) ta dál sol mejeden kórindi.

1999 jyly Qytaıdyń Vench­joýynda Alekseı Alıapın (90 kg) men V.Berdýtanyń (+100 kg) qola medalin qanaǵat tuttyq.

2000 jyly Osakada úsh dıýdoshymyz fınalǵa shyqqanymen birde-bireýine bas júlde buıyr­mady. Fınalda Ashat Shaharov (73 kg) japonııalyq Kenzo Naka­mýradan, V.Berdýta (+100 kg) Iаsýıý­kı Mýnetadan, R.Seıilhanov
(78 kg) ırandyq Kazem Sarıhanıden utyldy. Eldos Yqsanǵalıev (absolıýt) pen Gúlnár Kósherbaeva (+78 kg) úshinshi oryndy ıelendi. Taǵy bir aıta keterlik jaıt, 60 kg salmaqta Qyrǵyzstannyń týy astynda óner kórsetken qazaqtyń uly Aıdyn Smaǵulov kúmis me­daldy enshiledi. Arada birer aı ótken­nen soń Sıdneıde alaýy tutanǵan Olımpııa oıyndarynda dál sol Smaǵulov qola júldeni ol­jalady.

2001 jyly Ulanbatyrda Erkin Tuıaqov (absolıýt) pen Nurgúl Ta­ǵaeva (63 kg) kúmis alsa, Raýan Ina­tıllaev (63 kg), Dastan Pirimqulov (100 kg), E.Yqsanǵalıev (+100 kg), Sholpan Qalıeva (52 kg) qolaǵa qol jetkizdi.

2003 jyly Chedjýde Ashat Jıtkeevtiń (100 kg) aldyna eshkim túse almady. Varvara Masıagına (78 kg) ekinshi, Erlan Slıambaev (66 kg) pen E.Yqsanǵalıev (+100 kg, absolıýt) úshinshi satyǵa jaıǵasty.

2004 jylǵy sary qurlyqtyń basty dodasyn Almaty qalasy qabyldady. Balýan Sholaq atyn­daǵy sport saraıynda dúrkirep turyp ótken jarysta úsh balýanymyz – Bazarbek Donbaı (60 kg), Muratbek Qypshaqbaev (66 kg), Ashat Jıtkeev (100 kg) eli­mizdiń ánuranyn shyrqatty. Saǵdat Sadyqov (73 kg) pen E.Yq­sanǵalıev (absolıýt) fınalda qar­sylastaryna jol berdi. E.Yq­sanǵalıev (+100 kg), Tatıana Shısh­kına (48 kg), Saǵat Ábikeeva
(70 kg), V.Masıagına (78 kg) qolany qanaǵat tutty. Sóıtip, birer jylǵa sozylǵan úzilisten soń elimizdiń quramasy jalpy esepte qaıta úzdik úshtiktiń qataryna qosyldy.

2005 jyly Tashkentte Aıdar Qabımollaev (73 kg), A.Jıtkeev (100 kg), S.Ábikeeva (+78 kg) ekin­shi, Salamat Otarbaev (60 kg), E.Yqsanǵalıev (+100 kg), V. Berdýta (absolıýt), Qaljat Taıjanova (70 kg) úshinshi oryndy ıelendi.

2007 jyly Ál-Kýveıtte Ja­nar Januzynovanyń (70 kg) altyn tuǵyrǵa kóterilýge jaqsy múmkindigi boldy. Alaıda fınalda ol japonııalyq Asýka Okadan jeńildi. B.Donbaı (60 kg), Maksım Rakov (90 kg), Marııam Ordabaeva (63 kg), S. Ábikeeva (78 kg), Gúljan Isanova (absolıýt) úshinshi oryndy ıelendi.

2008 jyly Chedjýde A.Jıtkeev (100 kg) úsh dúrkin Azııa chempıony atandy. Rınat Ibragımov (73 kg) kúmis, S.Otarbaev (60 kg), Sh.Qa­lıeva (52 kg), J.Januzynova (70 kg), G.Isanova (+78 kg) qola medaldy moıyndarynda jar­qyratty.

2009 jyly Taıpeıde Maksım Rakov (100 kg) pen Gúljan Isa­novanyń (+78 kg) mereıleri ústem boldy. Tımýr Bolat (90 kg), Ulan Rysqul (+100 kg), Lenarııa Meń­ǵazova (52 kg), Zarına Áldikova (63 kg) qola medaldy enshiledi.

2011 jyly Ábý-Dabıde Islam Bozbaev (81 kg) eń úzdik nátıje kórsetti. Fınalda Ońtústik Koreıa­nyń dańqty balýany Kım Dje Bomǵa ese jibergen ol kúmis aldy. Erkebulan Qosaev (60 kg), T.Bolat (90 kg), Erjan Shynkeev (+100 kg), G. Isanov (+78 kg) qolaǵa qol sozdy.

2012 jyly О́zbekstannyń astanasynda Sergeı Lımge (66 kg) teń keler eshkim tabylmady. G.Isanova (+78 kg) fınalda súrindi. Vıktor Demıanenko (100 kg) úshinshi satyǵa turaqtady.

2013 jyly Bangkokta bes jer­lesimiz úshinshi tuǵyrǵa kóte­rildi. Olar – Eldos Smetov (60 kg), Azamat Muqanov (66 kg), I. Bozbaev (90 kg), E.Shynkeev (+100 kg), L.Meńǵazova (57 kg).

2015 jyly Ál-Kýveıtte M.Rakov kúmis, Eldos Jumaqanov (66 kg), E.Shynkeev (+100 kg), M.Ordabaeva (63 kg), G.Isanova (+78 kg) qola medaldy oljalady.

2016 jyly О́zbekstan astanasy – Tashkentte ótken jarysta balýandarymyzdyń qarqyny kúshti boldy. E.Smetov (60 kg), Otgonseseg Galbadrah (48 kg), M.Or­dabaeva (63 kg) teńdessiz dep tanyldy. Hamza Dıdar (73 kg) men G.Isanova (+78 kg) jeńis tuǵyrynyń eń bıik satysyna bir qadam qalǵanda súrindi. E.Jumaqanov (66 kg), Ázız Qalqamanuly (81 kg), M.Rakov (100 kg), E.Shynkeev (+100 kg) úshinshi oryndy enshiledi.

2017 jyly Maksım Rakov (100 kg) Azııa chempıony atandy. E.Jumaqanov (66 kg), I.Bozbaev (90 kg), O.Galbadrah (48 kg) vıse-chempıondyq ataqqa qol jetkizdi. Jansaı Smaǵulov (73 kg), Zere Bektasqyzy (70 kg), G.Isanova (+78 kg) úzdik úshtikti túıindedi.

2019 jyly Ál-Fýdjaırada Erlan Serikjanov (66 kg) altynnan alqa taqty. Fınalda Erlan óziniń komandalyq árip­tesi E.Juma­qanovty jeńdi. O.Gal­badrah (48 kg) kúmispen kúp­teldi. Ǵusman Qyrǵyzbaev (60 kg),­ I.Bozbaev (90 kg), Sevara Ny­shanbaeva (57 kg) qola medal aldy.

2021 jyly Bishkekte Ábıba Ábýjaqynova (48 kg) ǵana fınalǵa shyqty. Sheshýshi tusta qazaq qyzy qytaılyq Lı Iаnange jol berdi. E.Jumaqanov (66 kg) men S.Nyshanbaeva (57 kg) qola ıelendi.

2022 jylǵy Azııa chempıonaty Astanada uıymdastyryldy. Elorda tórinde 73 kg salmaq dáre­jesinde kúsh synasqan qan­dasymyz Danııar Shamshaevqa tórt qarsylasyn jolynan yǵys­tyrý úshin nebári 149 sekýnd jet­kilikti boldy. Osyndaı óreli óneriniń arqasynda esimi kóp­shilikke beımálim Danııardyń erligi áp-sátte tórtkúl dúnıege tanymal boldy. I.Bozbaev (90 kg) pen Á.Ábýjaqynova (48 kg) sheshýshi básekede ese jiberdi. Maǵjan Shamshıdın (60 kg), Ǵ.Qyrǵyzbaev (66 kg), D.Hamza (90 kg), Nurlyhan Hamza (100 kg), Arýna Jankeldına (78 kg) júldegerler qatarynan kórindi.

Sońǵy Azııa chempıonaty 2024 jyly Gonkongta ótti. Balýandarymyzdyń arasynan Janyrys Raqmetqalı (66 kg), Ǵalııa Tynbaeva (48 kg), Esmıgúl Kýıýlovanyń (63 kg) ǵana jeńis tuǵyryna kóterile aldy. Olardyń bári qola medaldy ıelendi. О́zge balýandar alǵashqy aınalymdardan asa almady.

Sanaýly kúnderden keıin Bangkokta shymyldyǵy túriletin Azııa chempıonatynda elimizdiń namysyn myna dzıýdoshylar qorǵaıdy: erler – Nuradil Ál­jan (60 kg), Sherzod Davlatov (60 kg), Erjan Erenqaıypov (66 kg), Eset Qýanov (73 kg), Mádı Amangeldi (81 kg), Azat Kúmisbaı (81 kg), Ermahan Ánýarbekov (90 kg), Maksım Meıirlan (90 kg), Erasyl Qajybaev (+100 kg); áıelder – Ǵalııa Tynbaeva (48 kg), Dıana Býrkeeva (48 kg), Tolǵanaı Ábeýova (52 kg), Baqyt Qusaqbaeva (57 kg), Esmıgúl Kýıýlova (-63 kg), Krıstına Sotnıkova (70 kg), Nazgúl Maratova (+78 kg), Aqerke Ramazanova (+78 kg). Sondaı-aq qosalqy quramda Talǵat Oryn­basar (60 kg), Erdáýlet Bozsha (66 kg), Baqytjan Ábdýrahmanov (73 kg), Marat Baıqamurov (100 kg) syndy balýandar bar.

Azııa chempıony atanǵan eli­miz­diń dzıýdoshylary: Sergeı Shákimov – 3 ret (1995, 1996, 1997), Ashat Jıtkeev – 3 ret (2013, 2014, 2018), Maksım Rakov – 2 ret (2009, 2017). Sondaı-aq Ivan Karazelıdı (1993), Bazarbek Donbaı (2014), Muratbek Qypshaqbaev (2014), Gúljan Isanova (2009), Sergeı Lım (2012), Eldos Smetov (2016), Otgonseseg Galbadrah (2016), Marııam Ordabaeva (2016), Erlan Serikjanov (2019), Danııar Sham­shaevqa (2022) bul beles bir-bir retten baǵyndy.

Azııa chempıonatynda eń kóp júlde alǵan jerlesterimiz: Gúl­jan Isanova – 8 júlde (1 altyn+2 kúmis+5 qola), Eldos Yqsanǵalıev – 7 júlde (1 kúmis+6 qola), Ashat Jıtkeev – 4 júlde (3 altyn+1 kúmis), Sergeı Shákimov – 4 júlde (3 altyn+1 qola), Eldos Jumahanov – 4 júlde (2 kúmis+2 qola), Vıacheslav Berdýta – 4 júlde (1 kúmis, 3 qola), Erjan Shynkeev – 4 júlde (4 qola).