BAQ ókilderi bas qosty

Atalǵan is-shara Ulttyq kitap kúnine oraı uıym­das­tyrylyp otyr. Kók­temgi mektepke BAQ ókilderi, bas­pa sala­synyń mamandary, joǵary oqý oryn­da­rynyń oqytýshylary, sondaı-aq Qytaı, Reseı, Mońǵolııa, Bangladesh, Ázerbaıjan, Tájikstan elderinen kelgen stýdentter, magıs­tranttar men doktoranttar qatysyp jatyr.

Kóktemgi mektep barysynda medıa­mátindi redaksııalaý tehnologııalary, medıadızaındaǵy jańashyldyq, kitap ındýstrııasyndaǵy jasandy ıntellektiń róli, faktchekıng jáne aqparatty verıfıkasııalaý, medıaetıka men medıasaýattylyq, sondaı-aq digital jýrnalıstıkanyń ózekti máseleleri talqylanyp otyr.

Baǵdarlama aıasynda halyqaralyq uıym ókilderiniń, tanymal baspa ma­mandary men jýrnalısterdiń ­she­berlik synyptary ótti.

Kýrs sońynda qatysýshylarǵa ­arnaıy sertıfıkat ­ta­bys­talady.

Ulttyq kitap kúni merekesine oraı bekitilgen aptalyq aıasynda ­17 sáýir – «Sóz ónerindegi ólketaný» kúni bolyp belgilengen edi. Eli­mizdiń barlyq óńirinde jergilikti avtorlarmen kezdesýler, avtograf sessııalary, ólketaný baǵytyndaǵy kitaptardyń tanystyrylymy uıym­dastyrylyp, pikir almasý, talqylaý alańdary ótkizildi.

Sonyń ishinde Jezqazǵan qalasynda Aınur Qojahmettiń «Mereı» kita­bynyń tusaýkeseri, Aqtóbe oblysynda Orazaqyn Asqardyń 90 jyldyǵyna oraı «Kitap – bala janynyń baǵ­dar­shysy» atty poezııa keshi, Túr­kistan qalasynda «Tarıhyńdy tany, tulǵańdy qurmette» taqyrybynda jergilikti qalamgerlermen kezdesýler ótti.