Elimizde fýtbol taqyrybynda túsirilgen alǵashqy kınokartınada basty rólderdi Qýanysh Kerimqulov, Almat Saqatov jáne bloger Artýr Asqaruly oınaıdy.
«Bul joba 2023 jyly uıymdastyrylǵan kınojobalar pıtchınginde iriktelip, óndiristik jumystary ótken jyly aıaqtaldy. Al bıyl keń kólemde kórermen nazaryna usynylyp otyr. Biz bul fılmdi otandyq kınoóndiristi damytý men jastar arasynda salamatty ómir saltyn nasıhattaý isindegi mańyzdy qadam dep esepteımiz. Fılmniń maqsaty – elimizde sportty damytý máselesin kóterý ǵana emes, sonymen qatar tabandylyq pen jigerdiń mańyzyn ashyp kórsetý. Jastarǵa jol kórsetip, motıvasııa syılaý kınonyń ózegine aınalǵan», dedi Ulttyq kınony qoldaý memlekettik ortalyǵynyń basqarma tóraǵasy Qurmanbek Jumaǵalı.
Fılm sıýjetine kelsek, basty keıipkerdiń ata-anasy jol apatyna ushyrap, oǵan otbasynyń tiregi ári súıenishi bolýǵa týra keledi. Fýtbol dese, janyn beretin jigittiń bala kúngi armanynan qol úzgisi joq. Týyndy shytyrmanǵa toly hıkaıaǵa negizdelgen.
«90+1» – bul tek sporttyq drama emes. Bul – jastarǵa arnalǵan motıvasııalyq kıno. Biz qandaı qıyndyq bolsyn, armanǵa jetýge bolatynyn kórsetkimiz keledi. Bul – ata-analarǵa da «balalaryńyzǵa senińizder, qoldaý kórsetińizder!» degen úndeý», dedi fılmniń ssenarısi Qýanysh Kerimqulov.
Atalǵan fılm 24 sáýirden bastap elimizdiń barlyq óńirinde keń kólemdi prokatqa shyǵady.
Sondaı-aq bıyl Ulttyq kınony qoldaý memlekettik ortalyǵynyń qoldaýymen birqatar mańyzdy otandyq kınojoba jaryqqa shyǵady. Olardyń qatarynda lýdomanııa máselesin qozǵaıtyn «Igromanka», 2011 jyly Taraz qalasyndaǵy terakti kezinde erlikpen qaza tapqan Ǵazız Baıtasov týraly «Kapıtan Baıtasov» jáne «Kúzgi samal» atty áleýmettik-dramalyq fılmi bar.
