- Madrıdte uıymdastyrylǵan ITF W100 týrnıri ıtalııalyq Nıkol Fossa Ýergomen jup qurǵan Jibek Qulambaevanyń jeńisimen aıaqtaldy. Fınalda olar ıspanııalyq Marına Bassols pen Andrea Lazaro Garsııany 7:6, 6:7, 10:4 esebimen utty.
- Osy kúnge deıin jeńilistiń kermek dámin tatpaǵan aralas jekpe-jek sheberi Aıan Tursyn (7-0) Almatydaǵy «Octagon 71» týrnırinde qyrǵyzstandyq Farıda Abdýevamen (4-1) kúsh synasty. Bul báseke qazaq qyzy ózin jaqsy qyrynan kórsete almady. Farıda upaı sanymen jeńiske jetip, Aıandy atalǵan promoýshenniń chempıondyq belbeýinen aıyrdy.
- Habarovskide ótken Keńes Odaǵynyń batyry Konstantın Korotkovty eske alýǵa arnalǵan halyqaralyq týrnırde elimizdiń boksshylary 11 júlde jeńip aldy. Sáken Bıbosynov (54 kg) pen Nurlan Saparbaı (+92 kg) altyn tuǵyrǵa kóterildi. Saǵyndyq Toǵambaı (92 kg), Aıdana Zabynbekova (57 kg), Rımma Volosenko (60 kg), Uldana Taýbaı (66 kg) fınalda utylsa, Temirtas Júsipov (48 kg), Jandos Qydyralıev (63,5 kg), Muhammedsabyr Bazarbaıuly (67 kg), Gúlnár Turapbaı (50 kg), Arýjan Jańabaeva (66 kg) úzdik úshtikti túıindedi.
