Buǵan deıin bul aýyldarda medısınalyq kómek eski, beıimdelgen ǵımarattarda kórsetilip kelgen. 2024 jyldyń sáýirinde bastalǵan qurylystar bıyl kóktemde aıaqtalyp, paıdalanýǵa berildi. Ár ambýlatorııa 448 sharshy metrlik standartty jobamen salynyp, qajetti qural-jabdyqtarmen tolyq jabdyqtalǵan. Munda kúndizgi bólim, zerthana, ońaltý bólmesi jáne alǵashqy kómek kórsetý qyzmetteri qarastyrylǵan.
Aqjazyq aýylynyń turǵyny, zeınetker Baǵdagúl Ahmetova bul jańalyqty aýyldyń damýyndaǵy úlken qadam dep baǵalady. Al Panfılov aýdanaralyq aýrýhanasynyń ókili Altynaı Kúderova aýdanda 2024 jyldan bastap 16 medısınalyq nysannyń qurylysy bastalǵanyn atap ótti. Bıyl oblys boıynsha taǵy 35 feldsherlik-akýsherlik pýnkt, 4 dárigerlik ambýlatorııa jáne 20 medısınalyq pýnkt salý josparlanyp otyr.
