Atyraý GTS-1 gaz qubyry-burmasynda qubyrdy aýystyrý
Esepti kezeńde gazben jabdyqtaýdaǵy ishki irkilister tirkelgen joq, gaz tasymaldaý júıesi (GTJ) shtattyq rejimde jumys istedi. El ishinde gaz tutyný ótken maýsymmen salystyrǵanda 6%-ǵa ósti, bul energetıkalyq qajettilikter men ónerkásiptik belsendiliktiń ósýin kórsetedi.
Turaqtylyqty qamtamasyz etýge jerasty gaz qoımalary (JAGQ) eleýli úles qosty. Úsh qoımadan gazdy alýdyń jalpy kólemi 11%-ǵa – 2,78 mlrd tekshe metrden 3,08 mlrd tekshe metrge deıin ósti.
Anyqtama:
2023–2024 jyldar kezeńinde – 2 779,2 mln tekshe metr;
2024–2025 jyldar kezeńinde – 3 088,6 mln tekshe metr.
«Bozoı» JAGQ-ny erekshe atap ótken jón. Onda tarıhta tuńǵysh ret rekordtyq kólem alyndy – jospardaǵy 2,5 mlrd tekshe metrdiń ornyna 2,6 mlrd tekshe metr (oryndalýy 104%-dy qurady).
«Saryarqa» MGQ «Astana-2» AGTS
О́ńirlerdegi jumys
Kúzgi-qysqy kezeńnen ótý kezinde gazǵa joǵary suranys jaǵdaıynda da jóndeý, profılaktıkalyq jumysy sátti júrgizý mańyzdy jetistik boldy.
Kúzgi-qysqy kezeńdi tolyq sátti ótkizgen Atyraý, Oral, Aqtóbe, Qostanaı, Shymkent, Qaraǵandy fılıaldaryn erekshe atap ótý qajet.
Máselen, Atyraý fılıaly qysqa merzimde ýaqytsha shekteý kezeńinde Atyraý qalasyn úzdiksiz gazben jabdyqtaýdy qamtamasyz ete otyryp, GTS-1 gaz qubyry-burmasynda 12 aqaýly qubyrdy aýystyrdy.
Aqtóbedegi fılıal gaz qubyrynyń eki tarmaǵyn jobalyq qysymǵa shyǵarý boıynsha aýqymdy jumystar júrgizdi, bul gaz qubyrynyń ótkizý qabiletin arttyrýǵa múmkindik berdi, qys mezgilinde qoldanystaǵy júıelerdi toqtatpaı, qosymsha úshinshi tarmaqty qosýdy qamtamasyz etti.
Qostanaı oblysynda qysqa merzimde «Qartaly – Rýdnyı» magıstraldyq gaz qubyryndaǵy aqaýly qubyrlar aýystyryldy, bul óńirge gaz jetkizý senimdiligin arttyrdy.
Jalpy, KQK-ge daıyndyq sheńberinde el kóleminde qubyrlardyń 1 312 aqaýly ýchaskesi joıyldy, germetıkalyq emes krandar aýystyryldy, bul atmosferaǵa gaz shyǵaryndylaryn jylyna 134 myń tekshe metrge qysqartýǵa múmkindik berdi.
Bekitilgen josparlarǵa sáıkes barlyq is-sharalar 100% oryndaldy, obektilerdiń kúzgi-qysqy kezeńnen ótýge daıyndyq pasporttary dál belgilengen merzimde bekitildi.
Halyqaralyq yntymaqtastyq
2025 jylǵy 24 aqpannan 8 naýryzǵa deıingi tómen temperatýra kezeńinde Reseıdiń Soltústik Kavkaz federaldy okrýginde «Gazprom» JAQ ótinimi boıynsha «Intergaz Ortalyq Azııa» AQ elimizdiń ishki gazben jabdyqtaý kólemin tolyǵymen saqtaı otyryp, «Soıýz» – «Orta Azııa – Ortalyq» – «Maqat – Soltústik Kavkaz» baǵyty boıynsha 112,2 mln tekshe metr reseılik gaz tranzıtin sátti qamtamasyz etti.
Aldaǵy kezeńge daıyndyq
Kelesi jylytý maýsymyna daıyndyq josparlary bekitilip, iske asyrylyp jatyr. Jumystar josparly tártippen júrgiziledi, olardyń oryndalýy turaqty negizde baqylanady. GTJ nysandaryn daıyndaýdy 2025 jyldyń 1 qazanyna deıin aıaqtaý josparlanǵan.
Negizgi is-sharalar qatarynda:
- «Buhara-Oral», «BGA-TBA», «Soıýz», «Orynbor-Novopskov», «Qartaly-Rýdnyı» magıstraldyq gaz qubyrlary boıynsha magıstraldyq gaz qubyrlarynyń 250 ýchaskesin jóndeý;
- Kompressorlyq stansııalardaǵy «Poltoraskoe», «Aqyrtóbe» SKS negizgi jáne qosalqy jabdyqtarynyń profılaktıkasyn júrgizý, sondaı-aq «Bozoı» JAGQ SKS PHD NK-12ST qozǵaltqyshtarynyń GAA kúrdeli jóndeýin aıaqtaý;
- «Bozoı» JAGQ-ǵa gaz aıdaý 2,8 mlrd m3 deıin, «Poltoraskoe» – 362,9 mln m3 deıin, «Aqyrtóbe» – 146,6 mln m3 deıin. Gaz aıdaýdy josparly aıaqtaý – 15.09.2025 j.;
- «Aqyrtóbe» JAGQ-ǵa gaz aıdaý 146,6 mln.m3 deıin. Gaz aıdaýdy josparly aıaqtaý – 29.09.2025 j;
- «Poltoraskoe» JAGQ-ǵa 362,9 mln. m3 deıin gaz aıdaý. Gaz aıdaýdy josparly aıaqtaý – 20.10.2025 j.
Sonymen qatar tipti KQK júktemesi kóp kezeńinde, «Intergaz Ortalyq Azııa» AQ reseılik gazdyń О́zbekstanǵa tranzıtin qamtamasyz etý maqsatynda «Orta Azııa — Ortalyq» gaz tasymaldaý júıesiniń ótkizý qabiletin arttyrý jónindegi jobany úzdiksiz iske asyryp jatqanyn atap ótý qajet. Búginde 2025 jylǵa josparlanǵan 6 222 qubyrdyń 2 481 aqaýly ýchaskesi joıyldy.
