Sýret: gov.kz
Eńbek jáne halyqty áleýmettik qorǵaý mınıstrliginiń málimetinshe, Otbasynyń sıfrlyq kartasy memlekettik organdardyń qoldanystaǵy barlyq aqparattyq júıelerindegi derekter negizinde qalyptasady. Búginde onda elimizdiń 20 mln azamaty nemese 6,2 mln-nan astam otbasy týraly málimet saqtalǵan.
OSK engizýdiń basty maqsaty – azamattardyń memlekettik qoldaý júıesine teń qoljetimdiligin qamtamasyz etý. Osyǵan baılanysty Áleýmettik kodeksinde Otbasynyń sıfrlyq kartasy áleýmettik saıasattyń orta jáne uzaqmerzimdi mindetteri men baǵyttaryn aıqyndaý quraly retinde belgilengen. Sondaı-aq OSK azamattardyń áleýmettik mártebesine baılanysty kepildendirilgen memlekettik qoldaýdyń kez kelgen túrin alýǵa quqyly ekendigi týraly kúndelikti «elektrondyq habarlama» da sanalady.
Memlekettik qoldaý sharalaryn alýǵa quqyq belgilengen kezde ár azamatqa 1414 biryńǵaı baılanys ortalyǵynan SMS-habarlama jiberiledi. Habarlama alǵan azamat oǵan kelisimi týraly jaýap berýi kerek. О́tinishti resimdeý, áleýmettik járdemaqy nemese tólem taǵaıyndaý avtomatty rejimde júrgiziledi, sodan keıin aqsha qarajaty alýshynyń bank shotyna aýdarylady.
Alaıaqtyq táýekelin boldyrmaý maqsatynda 1414 biryńǵaı baılanys ortalyǵynan kelip túsken SMS-ke jaýap berý qajet. Qandaıda bir suraq týyndasa, osy baılanys ortalyǵyna habarlasýǵa bolady.
