Foto: Túrkistan oblysynyń bilim basqarmasy
Jánibektiń aıtýynsha, mundaı jetistikke qol jetkizýiniń basty sebebi – turaqty daıyndyq pen tabandylyq. Ol testileýge maqsatty túrde 10-synyptan bastap daıyndalyp, beıindik pán retinde ınformatıkany tańdaǵan. Keleshekte de osy salany mamandyq retinde tańdap, Qazaqstandaǵy IT baǵytyndaǵy joǵary oqý oryndarynyń birine túspek.
«Jánibek Ábilhan armanyna senimdi qadam basyp kele jatqan, bastamashyl ári jaýapty oqýshy. Ol ýaqytty tıimdi paıdalanýdy biledi. Onyń jetistigi ózge oqýshylar úshin keremet úlgi bola alady. Biz Jánibekti shyn júrekten quttyqtap, bilim jolyndaǵy jańa tabystarǵa jetýin tileımiz», dedi Túrkistan oblysynyń bilim basqarmasy ókilderi.
Jánibek kóp balaly otbasynan shyqqan, bes balanyń ishinde ekinshisi.
«Jánibek 1-synyptan bastap bizdiń mektep-gımnazııada oqyp, bilimge erekshe ynta tanytyp, únemi úzdik nátıjeler kórsetip otyrdy. Ol kóp balaly otbasynda ósip, UBT-dan osyndaı keremet nátıjege tek óz kúsh-jigeriniń arqasynda jetti. Bul – maqsatqa umtylýdyń, eńbekqorlyqtyń jáne júıeli daıyndyqtyń jarqyn úlgisi», deıdi synyp jetekshisi Gúlzıra Bortaı.
Eske sala keteıik, 2025 jylǵy negizgi Ulttyq biryńǵaı testileý 16 mamyrda bastalyp, 7 shildege deıin jalǵasady.
