Foto sportplustv.kz
27 mamyrda Jaqsylyq Úshkempirov atyndaǵy jekpe-jek saraıynda ótetin halyqaralyq tartysqa álemdegi eń bedeldi uıym sanalatyn UFC lıgasynyń eks-chempıondary men atalǵan lıgada baǵyn synaǵan sańlaqtar da saıysqa túsedi. ALASH PRIDE-108 týrnıri Ortalyq Azııadaǵy jetekshi MMA lıgalaryndaǵy bedeldi doda sanalady. Sebebi mereıtoılyq týrnırge elimizdiń úzdik sportshylarymen qatar álemdik MMA juldyzdary, onyń ishinde – UFC-diń eks- chempıondary, ardagerler sportshylar Astanaǵa keledi. Olardyń arasynda jeńil salmaqta osy lıganyń úzdigi atanyp, chempıondyq belbeý ıelengen Aldjameın Sterlıng syndy áıgili sportshylar bar.
Jerlesterimizge qarsy aıqasqa túsetin qarsylastardyń barlyǵy derlik osy UFC lıgasynda synǵa túsip, keıbiri tipti chempıondyq belbeýdi de ıelengen. Atap aıtqanda Damır Ismaǵulov brazılııalyq Alan Patrıkke qarsy aıqasady. Jankúıerleriniń nazaryna túspeı júrgen Qaırat Ahmetov te oktagonǵa oralyp, kezinde UFC chempıony atanǵan amerıkalyq Aldjameın Sterlıngke qarsy kúshin synaıtyny aıtylǵan edi. Alaıda saıystyń qarsańynda qarsylasy kelmeýine baılanysty Ahmetov MMA-dan emes, grepplıngten synǵa túspek. Qarsylasy ońaıdan emes: erkin kúresten Beıjiń Olımpıadasynyń (2008) chempıony, aralas jekpe-jekten UFC-diń chempıony atanǵan áıgili amerıkalyq sportshy Genrı Sehýdo. Arman Ospanov ta grepplıngten UFC-diń eks-chempıony brazılııalyq Renan Baraoǵa qarsy aıqasady. Jýyrda Qazaqstan azamattyǵyn alǵan reseılik etnıkalyq qazaq Salamat Isbýlaevtyń da qarsylasy tanymal sportshy, Dıleno Lopes Brazılııa sportshysy, UFC-de óner kórsetken jampoz. Rýslan Sarıev te brazılııalyq Deanrado Fıgeredomen aıqasady. Sanjar Ádilovtiń de qarsylasy Brazılııanyń tańdaýly sportshysy, UFC-diń kardynda shaıqasqan jampoz. Jánibek Tynyshtyq ta brazılııalyq Raýlıan Paıvamen aıqasqa túsedi. Erhan Jumabaev pen brazılııalyq Vılıngton Lobo jekpe-jegi de tartysqa toly bolmaq. О́zbekstandyq Bobýr Abdýlazızov brazılııalyq Vanderson Pantoha Sılvanyń qarymyn baıqaıdy. Jerlesimiz Rasýl Hataev Brazılııa ókili Fransımar Barrozýge qarsylas atandy.
ALASH PRIDE negizin qalaýshysy Danııar Qasqaraýov týrnır tartysqa toly ótetinine senim bildirdi.
«2010 jyly alǵashqy týrnırlerdi uıymdastyryp saıys ótkizgende, eshkim bizdiń promoýterlik kompanııa mundaı deńgeıge kóteriletinine sengen joq. Bizdiń kásipqoı sport álemindegi baǵytymyz da, josparymyz da aıqyn boldy. Qazaq jigitteriniń áleýetin, olardyń sportqa degen qulshynysyn álemge pash ete aldyq. Búginde ALASH PRIDE – elimizden tys jerlerde de tanymal halyqaralyq brend. Onyń artynda yntymaǵy uıyǵan ujym, tynbaı eńbektengen komanda men Qazaqstandy álemge tanytyp júrgen sportshylar tur. Bizdiń qatarymyzda alǵash jekpe-jekke shyqqan kóptegen sportshylar keıin álemdik arenalarda óner kórsetti, sonyń arqasynda Qazaqstandy MMA álemi de aıqyn tanyp, sportshylarymyzǵa qurmetpen qarady. Astana qalasynda ótetin ALASH PRIDE 108 týrnıriniń ereksheligi mol. Biz UFC lıgasynyń dańqty juldyzdary men chempıondaryn shaqyryp, kórermenge naǵyz MMA merekesin syılaǵymyz keledi. Bul tek sporttyq saıys qana emes – qazaq jaýyngeriniń rýhy men minezin búkil álemge tanytatyn múmkindik», dedi D.Qasqaraýov.
Saıys aldyndaǵy baspasóz máslıhatynda MMA jaýyngerleri ózderiniń qarsylastary jaıynda sóz qozǵady. Arman Ospanov birneshe jyl oktagonga oralmaǵanyn aıtty. Keleshekte jekpe-jek álemine oralatynyn jetkizdi.
