Foto: Ashyq derekkóz
Qala ákimdiginiń habarlaýynsha, týrıstik ınfraqurylymdy damytý baǵytynda da belsendi jumys júrgizilip jatyr. 2022 jyldan bastap 43 jańa qonaq úıdiń qurylysy bastalyp, 5972 nómirlik qor jasaqtalýda. Budan bólek, 26 týrıstik joba júzege asyrylyp jatyr, onyń jeteýi 2025 jyly aıaqtalady dep josparlanǵan.
«Týrızmdi damytý baǵyty boıynsha Almatyda kórsetilgen kezeńde 1000 km-den astam taý marshrýttary sıfrlandyryldy, onyń 750 km-den astamy abattandyryldy, «Kimasar», «Lýnnaıa polıana», «Aq bulaq», «Tıtova» jáne basqalaryn qosa alǵanda, 13 kempıng-aımaq quryldy. Bul qalany tabıǵat pen ashyq aýada áýesqoılar úshin tartymdy etedi», delingen habarlamada.
Sonymen qatar halanyń halyqaralyq arenadaǵy bedeli de artyp keledi. Almaty The New York Times basylymynyń «Barýǵa 52 oryn» tizimine endi, Wanderlust jýrnalynyń TOP-24 baǵyttarynyń qataryna kirdi, Shymbulaq pen Oi-Qaragai kýrorttary TMD-daǵy úzdik taý shańǵysy baǵyttary retinde tanyldy jáne Katardaǵy halyqaralyq kórmede «Úzdik týrıstik destınasııa» syılyǵyna ıe boldy.
Aıta keteıik, qalaǵa 2025 jylǵa qaraı 2,5 mıllıon týrıst tartý kózdelgen. Bul baǵytta qala ákimdigi týrıstik ınfraqurylymdy damytýmen qatar, Almatyny halyqaralyq naryqtarda tanytý jáne zamanaýı marketıng quraldaryn qoldaný arqyly keshendi jumys atqaryp jatyr.
Mastercard zertteýine sáıkes, týrısterdiń qanaǵattaný ındeksi 4%-ǵa ósip, 67,5%-dy quraǵan. Bul kórsetkish usynylatyn týrıstik qyzmetterdiń sapasynyń joǵarylaǵanyn bildiredi.
