Jańa zańǵa sáıkes, 2025 jyldyń 24 mamyrynan bastap sanatyna qaramastan, sońǵy 5 jylda atynda turǵyn úıi joq azamattar úı kezegine turý múmkindigine ıe bola alady. Sondaı-aq, memlekettik turǵyn úı qorynan beriletin úılerdi jekeshelendirý týraly qaǵıdalaryna da birqatar ózgerister engizilgen. Jańa ózgeristerge sáıkes, birneshe sanattaǵy azamattar memlekettik turǵyn úı qorynan ózderi turatyn baspanalardy óz menshigine óteýsiz alýǵa múmkindik alyp otyr. Túrkistan qalasy ákiminiń orynbasary Talǵat Tólegenovtiń málimdeýinshe, oblys ortalyǵynda bıyl 944 páterli 11 turǵyn úıdi paıdalanýǵa berý josparlanǵan. Jyl basynan beri josparǵa sáıkes, 4 úıdiń qurylysy aıaqtalyp, 348 páter óz ıesin tapty.
Sonymen qatar, Túrkistanda «Otbasy bank» arqyly kredıttik júıemen 2025 jyly jalpy 2082 páterdi paıdalanýǵa berý josparlanyp otyr. Atalǵan turǵyn úılerge ótinishter úı kezekte Túrkistan oblysy boıynsha turǵan bank salymshylarynan qabyldanady. Qazirgi tańda atalǵan bank arqyly 1 016 páterdiń sharshy metri 180 myń teńgeden bolsa, 1 066 páterdiń sharshy metri 220 myń teńgege baǵalanyp otyr.
Túrkistan oblysy
