Dúbirli dodaǵa elimizdiń Astana, Almaty, Shymkent qalalary jáne Abaı, Aqmola, Aqtóbe, Atyraý, Almaty, Jetisý, Qaraǵandy, Qostanaı, Qyzylorda, Mańǵystaý, Túrkistan, Batys Qazaqstan oblystarynyń sportshylarymen qatar, Reseı Federasııasynan kelgen 300-ge jýyq tatamı sheberleri qatysty.
Týrnırdiń saltanatty ashylý rásimine oblys ákimi Narıman Tóreǵalıev arnaıy qatysyp,sportshylarǵa sáttilik tiledi. Sonymen qatar kórermen qaýym men týrnır qonaqtary balýan Asqar Shaıhıev haqynda daıyndalǵan qysqasha beınerolık tamashalady.
Odan keıin jarystyń qurmetti qonaqtary respýblıkalyq dzıýdo federasııasynyń atqarýshy dırektory Aıbek Imashev, álem chempıony Maksım Rakov, álem chempıonatynyń kúmis júldegeri Rýstam Ibraev qatarly meımandar lebizderin bildirdi.
Eki kúngi (24-25 mamyr) jarys qortyndysyna toqtalsaq (erler arasynda): Zeınolla Nurqan (60 kılo), Nursultan Zaızaǵalıev (66 kılo), Senim Seıitqalıev (73 kılo), Ansarbek Gaınýllın (81 kılo), Danıl Krylov (90 kılo), Nurymjan Ǵabbasov (100 kılo) top jarsa, áıelderder synǵa túsken eki salmaqtyń biri 52 kıloda Fatıma Supyǵalıeva jáne 78 kılodan joǵary salmaqta Ásen Qazıeva jeńimpaz atandy.
Sondaı-aq, týrnır tarıhynda tuńǵysh ret avtokólik báıgege tigilip, ony aqtóbelik balýan qaryndasymyz Gúlnur Baqanova jeńip aldy. Syılyqty óńir basshysy Narıman Tóreǵalıev óz qolymen saltanatty túrde tabys etti.
