Sýret: kaz.zakon.kz
Birinshi aptanyń qorytyndysy boıynsha talapkerlerdiń 62%-y shekti ball jınady. Bes pán boıynsha ortasha ball 61-di qurady. Eń joǵary 140 baldy Túrkistan oblysynan Ábilhan Jánibek jınady.
Jalpy, testileýge qatysýǵa 216 myń talapkerden 399 myńǵa jýyq ótinish kelip túskenin eske sala keteıik. Qazirgi tańda testke qatysýshylardyń basym bóligi, atap aıtqanda, 20%-y «Matematıka-Fızıka», 17%-y «Shyǵarmashylyq emtıhan» pánder kombınasııasyn tapsyrdy. 11%-y «Bıologııa-Hımııa» kombınasııasyn tańdaǵan.
Talapkerlerdiń test tapsyrmalarynyń mazmuny boıynsha testileý aıaqtalǵannan keıin 30 mınýt ishinde apellıasııaǵa berý quqyǵy bar. Tehnıkalyq sebepter boıynsha apellıasııa tikeleı testileý kezinde qabyldanady. Nátıjeleri bar sertıfıkattar apellıasııa qarastyrylǵannan keıin jeke kabınetterde qoljetimdi bolady.
Ulttyq testileý ortalyǵynyń deregine súıensek, UBT-ny ótkizýdiń birinshi aptasynda 55 ereje buzýshylyq anyqtaldy. 26 talapker smartfondardy, shpargalkalardy jáne basqa da tyıym salynǵan zattardy alyp kirmek bolǵany úshin testileýden shettetildi. Taǵy 29 adam testileý kezinde erejelerdi buzǵany úshin aýdıtorııadan shyǵaryldy, olardyń nátıjeleri joıyldy. О́zge adamdardyń ornyna kirý faktileri anyqtalǵan joq.
2025 jylǵy UBT aıaqtalǵannan keıin 31 qazanǵa deıin beınejazbalarǵa taldaý júrgiziledi. Tyıym salynǵan zattardy paıdalaný nemese erejelerdi buzý faktileri anyqtalǵan jaǵdaıda UBT nátıjeleri joıylady.
