Jyl úzdikteri marapattaldy

Keıingi jyldary shahmat oıyny elimizde keń qanat jaıyp, jal­py­halyqtyq sıpat alyp keledi. Álemdik arenadaǵy tolaıym je­tistigimiz kóńil qýantady. Byltyr shahmatshylarymyz halyqaralyq týrnırlerden 55 altyn, 54 kúmis, 51 qola medal oljalady. Jahandyq saıys­tarda mereıimizdi asyrǵan talanttardy qurmettep, baǵalaý salaǵa tyń serpin bereri sózsiz. Buǵan deıin «KazChess Awards» syılyǵy 9 atalym boıynsha berilip kelse, bıyl aıasy ke­ńeıip, 14 atalym boıynsha úz­dik shyqqan sańlaqtar marapat aldy. Olardyń arasynda álem chem­pıony, dúnıe júziniń tań­daýly shahmatshylarymen syn­ǵa túsip, sensasııalyq nátıje kórsetken talanttar da bar.

Saltanatty is-sharada shahmat federasııasynyń prezı­denti Tımýr Týrlov zııatkerlik tartystyń bá­sekesi óte joǵary ekenin atap ótti. «Jahan­dyq olım­­pıada, álem chempıonaty, ha­lyqaralyq týrnırlerde top jarǵan shahmatshylar taby­synyń artynda ujymnyń eren eńbegi tur. Jas talanttarymyz grossmeıster ataǵyn aldy. Elimiz shahmat derjavasyna aınalyp keledi. Biz álemdik dodalardy qa­byldap, joǵary deń­geıde ótkizdik. Bul úrdis jal­ǵa­syn taba bermek», dedi T.Týr­lov.

Federasııa prezıdenti jýyrda grossmeıster ataǵyn ıelengen Bıbisara Asaýbaeva men Edgar Mamedovti «Dara», «Úmit» medaldarymen marapattady. Eki dúrkin álem chempıony Bıbisara – qyz­dar arasynda grossmeıs­ter atanǵan ekinshi shahmatshy. Al 14 jastaǵy Edgar ázirge eń jas grossmeıster ataǵyn ıelenip otyr. «Úzdik jattyqtyrýshy ata­lymy» áıelder quramasy­nyń jetekshisi, bilikti maman Pavel Kosýrǵa buıyrdy. Ha­lyq­aralyq saıystarǵa alǵash qosylǵan jas talanttardyń arasynan Nurálı Bolashaqov «Jyl debıýti» atandy. Jasóspirimder arasynda úzdik dep tanylǵan Mark Smır­nov pen Alanna Berikqyzyn federa­sııanyń vıse-prezıdenti Dár­men Sádýa­qasov marapattady. Serik­baı Temirbaev úzdik tóreshi, Ivan Chervınskıı úzdik ambas­sador atansa, Arman Qor­jymbaev úzdik medıa marapatyn aldy. Byltyr Majarstannyń Bý­dapesht qalasynda ótken shahmat Olımpıadasynan áıel­­der qura­masy kúmis medalmen oraldy. Qu­ramynda Ksenııa Bala­baeva, Alýa Nurman, Me­rýert Qamalıdenova, Ámına Qaıyr­bekova, Bıbisara Asaý­baeva bastaǵan talanttar bar ujym jyldyń úzdik komandasy dep tanyldy. 20 jasqa deıingi jastardyń álem chempıonatynda top jarǵan Qazybek Nógerbek erler ishinen úzdik atansa, áıel­der arasynan Bıbisara Asaý­baeva jyl úzdigi marapatyn ıelendi.