Foto: Ashyq derekkóz
Premer-mınıstrdiń aıtýynsha, atalǵan tizilim sıfrlyq sheshimder negizinde jáne memlekettik organdardyń aqparattyq júıelerin biriktirý arqyly qurylatyn bolady. Bul júıe kásipkerler úshin artyq qaǵazbastylyqty joıyp, prosesti meılinshe jeńildetedi.
«Jańadan ótinish berýshiler qarapaıym ótinishtiń jáne avtomatty sıfrlyq tekserý negizinde eshqandaı bıýrokratııasyz qosyla alady. Sarapshylardy shaqyrý men basy artyq tekserýlerden ótýdiń jáne kóp qaǵaz toltyrýdyń qajeti bolmaıdy. Barlyǵy sıfrlyq rejımde, adamnyń qatysýynsyz júrgiziledi. Osyny basa aıtqym keledi. Bul sapaly baqylaýdy qamtamasyz etip, mindetin adal atqarmaıtyn taýar óndirýshilerdi anyqtaýǵa múmkindik beredi. Kelesi jyldyń 1 qańtarynan bastap tizilim naqty otandyq óndirýshini anyqtaý tetigine aınalady», dep atap ótti Oljas Bektenov.
Onyń aıtýynsha, bul qadam adal óndirýshilerdi qoldap, sapasyz ónim usynatyn jalǵan kásiporyndardy naryqtan shettetýge múmkindik beredi.
Alına QAIRATQYZY,
EUÝ 2-kýrs stýdenti
