Bul derekterdi oblystyq polısııa departamenti bastyǵynyń mindetin atqarýshy, polısııa polkovnıgi Qurmanbek Sahov nashaqorlyqqa jáne esirtki bıznesine qarsy is-qımylǵa baǵyttalǵan qyzmetti úılestirý jónindegi vedomstvoaralyq shtab otyrysynda keltirdi.
Ishki ister mınıstriniń tapsyrmasymen 2025 jyl – profılaktıka jyly dep ataldy. Bekitilgen josparǵa sáıkes, oblystyq polısııa departamenti tarapynan profılaktıkalyq sharalardy jáne azamattardyń quqyqtyq saýattylyǵyn arttyrý, zań men tártipti nyǵaıtý maqsatynda qylmysqa qarsy kúresti jalǵastyryp, azamattardyń quqyqtary men bostandyqtaryn senimdi túrde qorǵaý baǵytyndaǵy sharalar kúsheıtildi. Osy negizde departament janynda esirtki quqyq buzýshylyqtarynyń profılaktıkasy salasynda ózara is-qımyl jáne yntymaqtastyq jónindegi keńes qurylyp, nashaqorlyqtyń jáne esirtki qylmysynyń aldyn alý, zańǵa baǵynatyn minez-qulyq pen salaýatty ómir saltyn nasıhattaý baǵytynda jumystar júrgizilýde. Mysaly, ınternet arqyly sıntetıkalyq esirtkilerdiń taralýyna jol bermeý maqsatynda júrgizilgen kúndelikti monıtorıng nátıjesinde 405 aqparattyq saıt anyqtalyp, «Kıberqadaǵalaý» saraptamasyna joldanyp, buǵattaldy.
Oıyn-saýyq oryndarynda 48 reıdtik is-shara júrgizildi. Sonymen qatar áýejaı, temirjol vokzaly, «Qazpochta» qyzmetkerlerimen birge esirtki quraldary jáne psıhotroptyq zattardy zańsyz jóneltý faktilerin anyqtaý úshin departamenttiń qyzmettik ıtteriniń kómegimen jedel-izdestirý is-sharalary turaqty atqarylyp, jalpy 50 reıdtik is-shara ótti. Odan bólek, toqsan saıyn «Dármek» jedel-profılaktıkalyq is-sharasy ótkizilýde.
Aıta ketelik, kúni keshe Túrkistan oblysy polısııa departamentinde Ishki ister mınıstriniń birinshi orynbasary Baýyrjan Álenovtyń tóraǵalyǵymen «Qarasora-2025» jedel-profılaktıkalyq is-sharasynyń resmı ashylýy ótti.
Túrkistan oblysy
