Bes kúnge sozylǵan básekede el namysyn qorǵaǵan 30-dan astam sportshylardyń arasynan Nora Djerýto 3 000 metrge kedergiler arqyly, 5 000 metrge júgirýde aldyna jan salmady. Deızı Djepkemeı 10 000 metrlik qashyqtyqta shashasyna shań juqtyrmady. Bıiktikke sekirýde Elızaveta Matveeva kúmispen kúptelse, 20 shaqyrymdyq sporttyq júriste Iаsmına Toqsanbaeva úzdik úshtikti túıindedi. Taǵy bir qolany Deızı Djepkemeı qorjynǵa saldy. Bul medaldy ol kedergiler arqyly júgirýde jeńip aldy.
2023 jyly Taı elinde ótken Azııa chempıonatynda otandastarymyz 1 altyn, 2 kúmis, 1 qola medal ıelenip, jalpykomandalyq esepte 11-oryndy qanaǵat tutqan edi. Ońtústik Koreıada 3 altyn, 1 kúmis, 2 qola oljalady. Biraq bul kórsetkishke kóńilimiz tolady dep aıta almasaq kerek. Sebebi eń kóp júlde jıyntyǵy sarapqa salynatyn sport túrinde nebári alty júlde alýymyz tym jaqsy nátıje emes. Jáne de úsh altyndy da kenııalyq legıonerler alyp berdi.
