Foto: Ekologııa jáne tabıǵı resýrstar mınıstrligi
Kerqulandar – Praga zooparki men majar Hortobágy ulttyq parkinen ákelindi. 2 maýsym kúni tórt jylqydan tıelgen eki áskerı ushaq Chehııa men Majarstan elderinen ushyp shyǵyp, 3 maýsym kúni tańǵa taıaý ýaqytta Arqalyq áýejaıyna kelip qondy. Janýarlar «Altyn Dala» memlekettik tabıǵı rezervatynyń aýmaǵyndaǵy jabaıy tuıaqtylardy reıntrodýksııalaý ortalyǵyna taǵy 5 saǵat jol júrdi. Olar osyndaǵy keń qashalarda bir jyl ustalady da, keıin jabaıy tabıǵatqa jiberiledi. Ortalyqta jylqylardy jaıǵastyratyn qajetti ınfraqurylym men kútip qaraıtyn mamandar bar.
Aıta ketelik, birinshi top 7 bas kerqulan Qazaqstanǵa 2024 jyly maýsymda kelgen bolatyn. Ortalyqtyń mamandary men mal dárigerleri jyl boıy jabaıy jylqylardy baqylady. Janýarlar alǵash ret Torǵaı dalasyndaǵy -30 °C aıazdy qysyn aman-esen qystap shyqty, úırendi, qajetti veterınarlyq tekserýlerden ótti.
Aıtalyq, Prjevalskıı jylqysy (Equus przewalskii Poljakov) 2021 jyly Qazaqstandaǵy sırek kezdesetin jáne joıylyp ketý qaýpi tónip turǵan ósimdikter men janýarlar túrleriniń tizimine endi.
Tolyǵyraq Ekologııa jáne tabıǵı resýrstar mınıstrliginiń resmı saıtynda.
