Merekelik jıynǵa qala ákimi Ǵabıt Syzdyqbekov, qalalyq máslıhat tóraǵasy Bahadyr Narymbetov, ardagerler, zııaly qaýym ókilderi, jastar men túrli ujym ókilderi qatysty.
Aıtýly is-shara dástúrli tý kóterý rásimimen bastaldy. Sap túzegen sarbazdar elimizdiń Kók týyn, Eltańbasyn sherýlete sahna tórine alyp shyqty. Qazaqstannyń memlekettik gımni oınap, patrıottyq ánderden shashý shashyldy. Elimizdiń kók týyn qoldaryna ustaǵan jastar boıdaǵy patrıottyq rýhty tasytty.
Otstavkidegi polkovnık, Qarýly kúshter ardagerleri qoǵamdyq birlestiginiń fılıal tóraǵasy, 10 qoǵamdyq birlestik koalısııasynyń tóraǵasy Serikbaı Onbaev úshin Rámizder merekesi erekshe kún. О́ıtkeni áskerı adam úshin tý, baıraq árqashan qasıetti uǵym sanalady.
«4 maýsym – elimizdiń rámizderiniń kúni. Bul merekeni erekshe atap ótýimiz kerek. Sebebi ol halyqtyń patrıottyq rýhyn kóteredi. Týǵa qurmet árdaıym bıik bolý kerek. Ol Otandy qurmettegenniń belgisi. О́skeleń urpaqty patrıottyq rýhta tárbıeleý paryz. Ony rámizderdi qasterleýden bastaý qajet. Jastarǵa rámizderdi qadirleýdi úıretsek otanshyl, ultjandy bolyp ósedi. Bul mereke bizge sol úshin kerek. Qarýly kúshter ardagerleriniń uıymy, basqa da qoǵamdyq birlestikter jastardyń patrıottyq sana-sezimin ósirý maqsatynda mektepterde kóptegen tárbıelik jıyndar, kezdesýler ótkizedi. Oqýshylarmen sol kezdesýlerde eldi qorǵaý er azamattardyń Otan aldyndaǵy boryshy ekenin aıtamyz. Rámizderge de qurmet ne úshin erekshe bolý kerektigin túsindiremiz. Qazirgi álemde oryn alyp jatqan kúrdeli ahýalǵa qaraı otyryp jastardy óz eliniń naǵyz patrıoty etip tárbıeleýdiń mańyzy aıryqsha ekeni aıqyn kórinip otyr. Al rámizder kúnin merekeleý biz úshin sol patrıottyq tárbıeniń qaınar bastaýy» dedi S.Onbaev.
Shymkent
