Qazaqstanda Memleket basshysynyń tapsyrmasy boıynsha zańsyz ıemdenilgen aktıvter esebinen qarjylandyrylatyn áleýmettik mańyzy bar nysandar salý jobalaryn júzege asyrý jumysy jalǵasyp jatyr.
Osy jumystar aıasynda Úkimet Ulytaý oblysynda sý qubyry jelilerin tartýǵa Arnaýly memlekettik qordan 570 mln teńgeden astam qarjy bóldi. Jańaarqa aýdanyndaǵy Eralıev aýyldyq okrýgi men Aqbastaý aýylynyń №189 razezindegi qubyr qurylysyna 274 mln teńgeden astam qarjy bólindi. Sondaı-aq osy aýdanǵa qarasty Bıdaıyq aýyldyq okrýgine jańa sý qubyryn tartý josparlanyp otyr. Bul maqsatqa 296 mln teńge qarastyrylǵan.
Joba turǵyndardyń turmys sapasyn jaqsartýǵa jáne aýyldyq jerlerde ınfraqurylym qurýǵa baǵyttalǵan. Barlyq jumys aıaqtalǵannan soń Jańaarqa aýdanynda halyqty aýyz sýmen qamtamasyz etý deńgeıi 100%-dy quraıtyn bolady.
Aıta keteıik, elimizde sýmen jabdyqtaý qyzmetine qoljetimdilik qalalyq eldi mekenderde 99,4%-dy, aýyldyq jerlerde – 97,8%-dy quraıdy.
Ulytaý oblysy
