Saıahatqa qyzyǵýshylyq pen rýhanı izdenisi jetelegen ardagerdiń basty maqsaty – ár eldiń tarıhymen, mádenıetimen tanysyp, jergilikti halyqpen tildesý bolǵan. Túrkistanda ol Qoja Ahmet Iаsaýı kesenesin jáne basqa da tarıhı-mádenı nysandardy tamashap, tarıhymen tanysty. Saıahatshy motosıklimen Eýropanyń birneshe elin, sondaı-aq Túrkııa, Grýzııa jáne Ázerbaıjan elderin aralap, Kaspıı teńizi arqyly Qazaqstanǵa jetken. Aqtaý, Aqtóbe jáne Aral qalalarynda bolǵan.
«Open Turkistan» týrıstik aqparattyq ortalyǵy sheteldik saıahatshyǵa qurmet kórsetip, ulttyq taǵamdardan dám tatqyzdy, kıeli qala tynysymen tanystyrdy.
