Mamandar ınfeksııa negizinen úı jaǵdaıynda daıyndaý tehnologııasy buzylǵan, durys saqtalmaǵan tamaq jep, qaınamaǵan sý ishkennen paıda bolatynyn aıtyp otyr. Al kóktem jáne jaz mezgilinde erte pisken jemis-jıdekti mólsherden tys paıdalaný jaǵdaıdy tipti kúrdelendire túsedi eken. Kóktem bastalǵaly jedel ishek ınfeksııasynyń klınıkalyq belgilerimen juqpaly aýrýlar aýrýhanasyna túsken 7 naýqas jemis-jıdek, baqsha ónimin jegennen ózderin jaısyz sezingenin aıtqan.
«Jedeldetilgen rejımde ósirilgen baqsha óniminiń quramynda pestısıd, nıtrat kóp kezdesedi, al ol aǵzany ýlaýy múmkin. Keıbir baý-baqsha ósirýshiler tyńaıtqyshtyń dozasyn ruqsat etilgen kólemnen ádeıi asyrady. Ondaı ónim tábetti ashatyndaı tartymdy kóringenmen árqashan dámdi ári paıdaly bola bermeıdi», deıdi departament basshysy Gúlmıra Syzdyqova.
Baqsha ónimi eń tez degenniń ózinde shilde aıynyń sońyna qaraı pise bastaıdy. Sondyqtan mamandar qaýyn-qarbyz, jemis-jıdek, kókónisti odan erte jemeýge keńes beredi.
