Sýret: buqara.kz
Is-sharanyń ashylý saltanaty I.Jansúgirov atyndaǵy Mádenıet sara-ıynda ótti. Joba aıasynda halqymyzdyń dańqty uly Qajymuqan Muńaıtpasulynyń ómir joly men jarqyn jetistikteri kórkem beınelengen «Qajymuqan» fılmi usynyldy. Fılm Mádenıet jáne aqparat mınıstrligi men Ulttyq kınony qoldaý ortalyǵynyń qoldaýymen túsirilgen.
Kıno kúnderi aıasynda ártúrli janrdaǵy fılmder kórsetiledi. Kórnekti tulǵalardyń júrip ótken jolyn beıneleıtin «Jambyl. Jańa dáýir», «Dos-Muqasan» fılmderi, otanǵa degen súıispenshilik pen áskerı qyzmetkerlerdiń ómirin baıandaıtyn «Nabat operasııasy», «Patrıottar ýaqyty» týyndylary kórermenge jol tartady. Sonymen qatar dástúr men ult bolmysyn ashyp kórsetetin «Baýyryna salý» fılmi de usynylady.
Aıta keteıik, jobanyń maqsaty – otandyq týyndylardy keńinen tanystyryp, aýyl-aımaq turǵyndaryna ulttyq kınonyń jańarǵan kelbetin kórsetý. Buǵan deıin mundaı kórsetilimder Qaraǵandy, Jambyl, Soltústik jáne Batys Qazaqstan oblystarynda ótken bolatyn.
