Azat Bakýde aıqasady

Tagır 33 jasta, Daǵystannyń Qazbek aýda­nynda týǵan, ulty – avar. Bozbala shaǵy­nan ja­ýyngerlik sambomen shuǵyl­danǵan T.Ulanbekovtiń álem chempıony degen ataǵy bar. So­dan keıin aralas jekpe-jekke den qoıdy. Ataǵy ańyzǵa aınalǵan bapker Abdýlmanap Nur­magomedovtiń qol astynda jattyǵyp, ataqty Habıb Nurmagomedov, Islam Mahachev, taǵy basqa sańlaqtarmen bir zalda daıyndalady. Barlyǵy 19 ret oktagonǵa shyqqan Tagır sonyń 17-sinde jeńiske jetti. 10 básekede aıqyn basymdyq tanytty. 2020 jyldan beri UFC-de óner kórsetip júr. Sol promoýshendegi alty kezdesýdiń beseýinde jeńiske jetti. Qazirgi kezde T.Ulanbekov óz salmaǵy boıynsha UFC reıtınginde 11-orynda tur.

Avar jigitiniń joly qazaq­tarmen tórt márte qıysty. 2015 jyly Babaıýrtte Nurtilek Qonashevtyń qolyna aýyrtý tásilin qoldansa, 2016 jyly Don­daǵy Rostovta Shyńǵys Qaı­ranovty upaı sanymen eńserdi. 2017 jyly Mahachkalada Asý Almabaevty tehnıkalyq nokaýtpen utty. 2018 jyly Astanada Jalǵas Jumaǵulovtan jeńilip, «AMC Fight Nights Global» nusqasynyń chempıondyq ataǵynan aıy­ryldy. Sondaı-aq 2019 jyly Tagır Atyraýda ótken týrnırde Brazılııanyń faı­teri Denıs Araýjodan aılasyn asyryp, «Gorilla Fighting Championship» promoýsheniniń altyn belbeýin jeńip aldy.

Azat Maqsum óz karerasyn qazaqtyń tól óneri – jekpe-jekten bastady. 2017 jyly tu­saýkeser kezdesýin ótkizdi. 2023 jylǵa deıin 17 ret aıqas alańyna shyǵyp, barlyq báse­kede óz qarsylastarynan basym tústi. 12 aıqasty mer­ziminen buryn aıaqtady. Birneshe promoýshenderdiń chempıony boldy. 2023 jyly UFC-men kelisimshartqa otyrdy. Sol maýsymda amerıkalyq Taıson Nemdi utty. Biraq byltyr AQSh-tyń taǵy bir ókili Charlz Djonsonnan oıda-joqta jeńilip qaldy.