Is-sharany Jastar bastamalaryn damytý ortalyǵy men Psıhıkalyq densaýlyq ortalyǵy birlesip uıymdastyrdy.
Semınar 2025 jylǵy 19 maýsym kúni alty saǵat boıy ótti. Oqý baǵdarlamasy Kolombo jospary aıasyndaǵy Esirtki máseleleri jónindegi konsýltasııalyq baǵdarlamanyń (DAP) negizinde ázirlengen. Taqyryby – «Saýyqtyrý úderisin basqarý jáne resıdıvtiń aldyn alý».
Oqytý ınteraktıv formatta uıymdastyrylyp, naqty kásibı jaǵdaılar negizinde tájirıbelik daǵdylardy meńgerýge múmkindik berdi. Semınar psıhoaktıvti zattardy tutynýǵa baılanysty buzylýlardy emdeýde halyqaralyq tásilderdi qoldanýǵa jáne psıhıkalyq densaýlyq qyzmetteriniń sapasyn arttyrýǵa baǵyttaldy.
Is-sharaǵa Pavlodar oblysynyń túkpir-túkpirinen kelgen bastapqy medısınalyq-sanıtarlyq kómek (BMSK) psıhologtary, Jastar densaýlyq ortalyqtarynyń ókilderi, narkolog-dárigerler, áleýmettik qyzmetkerler men keńesshiler qatysty. Jalpy sany 30-dan astam maman qamtyldy.
Semınardyń basty maqsaty – táýeldilikpen jumys isteýdiń zamanaýı ádisterin úıretý, mamandardyń kásibı quzyretin arttyrý, sala mamandary arasynda áriptestik baılanysty nyǵaıtý jáne táýeldilikke ushyraǵan adamdar men olardyń otbasylaryna kórsetiletin medısınalyq ári psıhologııalyq kómektiń sapasyn jaqsartýǵa yqpal etý.
Baǵdarlama aıasynda táýeldilikti emdeýdiń ǵylymı negizdelgen tásilderi, saýyqtyrý úderisin basqarýdyń psıhologııalyq aspektileri, resıdıvtiń aldyn alý strategııalary men ádisteri, keńes berýdegi etıka máseleleri qaralyp, praktıkalyq jattyǵýlar men jaǵdaıattardy modeldeý júrgizildi.
Semınar óńirdegi nashaqorlyqtyń aldyn alý jáne emdeý júıesin jetildirý baǵytynda mańyzdy qadam boldy. Qatysýshylar is-sharanyń mazmuny men praktıkalyq baǵytynyń kásibı qyzmetinde asa ózekti ekenin atap ótti.
