О́tken jyldyń basynda 537 medısınalyq uıym boıynsha kredıtorlyq bereshek kólemi 82,3 mlrd teńgeni quraǵan eken. Bul júıeli júrgizilgen jumystyń nátıjesi deıdi qor mamandary. Iаǵnı, qordyń qarjylyq turaqtylyǵyn arttyrý jóninde is-shara jospary bekitilip, qysqa merzimdi jáne júıeli sharalar kózdelipti. Sonymen qatar medısınalyq qyzmetkerlerge eńbekaqyny ýaqytyly tóleý men medısınalyq uıymdardyń kredıtorlyq bereshegine monıtorıng júrgizý tártibi bekitilip, bul jumys óńirlik densaýlyq saqtaý basqarmalarynyń qatysýymen iske asyrylǵan eken.
«Medısınalyq uıymdardy qarjylyq saýyqtyrý boıynsha júrgizilgen jumystardyń nátıjesinde turaqty oń dınamıka baıqalyp otyr. Byltyrǵy osy kezeńmen salystyrǵanda kredıtorlyq bereshek 12%-ǵa tómendep, 111,6 mlrd teńgeden 98,4 mlrd teńgege deıin azaıdy. Atap óterligi, merzimi ótip ketken bereshek kólemi úshten birinen de kóp mólsherge – 21 mlrd teńgeden 13,4 mlrd teńgege deıin qysqardy. Bul kórsetkishter Densaýlyq saqtaý mınıstrliginiń der kezinde qabyldaǵan sharalarynyń, sonyń ishinde qarjylyq turaqtylyqty arttyrý jónindegi is-sharalar josparynyń bekitilýi men aımaqtyq densaýlyq saqtaý basqarmalaryn tarta otyryp, bereshek pen jalaqy tólemine monıtorıng júrgizýdiń nátıjesinde múmkin boldy», dedi Áleýmettik medısınalyq saqtandyrý qory basqarma tóraǵasynyń orynbasary Indıra Sarkenova.
