Is-sharaǵa memlekettik organ qyzmetkeleri, Parlamet Májilisiniń depýtattary, úkimettik emes uıymdar ókilderi jáne sarapshy maman ǵalymdarmen qatar stýdentter qatysty.
Pikir saıystyń kórigin qyzdyrǵan Parlamenti Májilisiniń depýtaty Ajar Saǵyndyqova: «Elimizdiń ekologııalyq ahýalyna qatysty sheshimin tabýǵa tıis másele – qoqys qaldyqtary. Elimizde bir jylda 5 mıllıon tonnadan astam turmystyq qatty qaldyqtar tastalady, onyń tek 20%-ǵa jýyǵy ǵana qaıta óńdeledi. Bul – ekologııalyq qana emes, sonymen qatar ekonomıkalyq másele. «Taza Qazaqstan» aksııasy qoǵamda ózgerýge daıyndyq pen jiger bar ekenin kórsetti. Ekologııalyq mádenıet tujyrymdamasyn iske asyrý – ekologııany tek saıasattyń bir bóligi emes, adamdardyń sanasynyń bir bóligine aınaldyrýǵa berilgen múmkindik. Árbir taza aýla, qaıta óńdelgen bir kılogramm qoqys, árbir sanaly áreket – bul elimizdiń turaqty bolashaǵyna qosylǵan úles», – dese, Ekologııa jáne tabıǵı resýrstar mınıstrliginiń Ekologııalyq saıasat departamenti dırektory mindetin atqarýshy Natalıa Daýletıarova bolsa, atalmysh mınıstrlik 2024–2029 jyldarǵa arnalǵan ekologııalyq mádenıetti damytý tujyrymdamasyn ázirlep bekitknni týraly aıtyp, «Ekologııalyq mádenıetti qalyptastyrýda tabıǵı resýrstardy únemdi paıdalaný ony júzege asyrý, óz minez-qulqyn ózgertýge daıyn bolýymyz kerek. Ekinshi taraptan halyq pen bıznestiń ekologııalyq saýattylyǵy men jaýapkershiligi, sondaı-aq memlekettik organdardyń tıisti taqyryptyq sheshimderdi qabyldaýy mańyzdy quramdas bólikter bolyp tabylady», dep óz pikirimen bólisti
Sondaı-aq, pikirsaıysqa spıker retinde «Halyqaralyq jasyl tehnologııalar jáne ınvestısııalyq jobalar ortalyǵy» KEAQ basqarmasy tóraǵasynyń orynbasary Saýle Qozyke, Parlamenti Májilisiniń janyndaǵy Qoǵamdyq palatanyń sarapshysy Aıjan Skakova, M.V. Lomonosov atyndaǵy Máskeý memlekettik ýnıversıtetiniń qazaqstandyq fılıaly Ekologııa jáne tabıǵatty paıdalaný kafedrasynyń dosenti Vladımır Dehnıch qatysty.
Jıyn qorytyndysy boıynsha elimizdiń memlekettik organdaryna ekologııa jáne qorshaǵan orta salasyndaǵy birlesken sharalarǵa qatysty usynystar ázirlenedi.
