Foto: Ashyq derekkóz
«Kitapqa bir kóz júgirtseń boldy – bireýdiń, bálkim, myń jyl buryn qaıtys bolǵan adamnyń daýysyn estısiń. Oqý – ýaqyt ishindegi saıahat».
– Karl Sagan
***
«Maǵan kitap oqıtyn otbasyn kórset, men saǵan álemdi jaýlaıtyn adamdardy kórseteıin».
– Napoleon Bonapart
***
«Kitap – bul baq, baq bolǵanda, jemis baǵy, qoıma, mereke, jolserik, keńesshi, keńesshilerdiń kópshiligi».
– Sharl Bodler
***
«О́tken ýaqytqa kóz sala otyryp, ádebıettiń ómirsheńdik kúshine taǵy da tań qalamyn. Eger men búgingi kúni óz ornymdy izdep júrgen jas bolsam, qaıtadan kitap oqý arqyly ózimdi tanyr edim – men jastyq shaǵymda dál solaı istegenmin».
– Maııa Endjeloý
***
«Oqýdy balalarǵa mindet nemese aýyrtpalyq retinde usynýǵa bolmaıdy. Ony syılyq retinde usyný kerek».
– Keıt DıKamıllo
***
«Kitaptar adamdar sııaqty – ómirińde saǵan dál kerek kezde paıda bolady dep oılaımyn».
– Emma Tompson
***
«Mektepte oqýǵa ruqsat bermegen kitaptardy oqı bastaǵanda ǵana, men essiz de baqytty bolyp, basqalarǵa uqsamaı-aq jaqsy ómir súrýge bolatynyn túsindim».
– Djon Ýoters
***
«Kitaptar – ózimen birge alyp júrýge bolatyn erekshe sıqyr».
– Stıven Kıń
***
«Kitaptar – aına ispetti: olardan sen ózińde bar nárseni ǵana kóresiń».
– Karlos Rýıs Safon
***
«Sóılemes buryn oılan. Al oılanbas buryn oqy».
– Fran Lebovıs
***
«Kel, aqylmen saralap, aptaǵa segizinshi kún qosaıyq – tek oqýǵa arnalǵan kún».
– Lena Danem
***
«Eger saǵan kitap oqý unamasa, sen óz kitabyńdy áli tappaǵansyń».
– Dj. K. Roýlıng
***
«Men dıvanda kitap oqyp otyryp áli tiri ekenimdi sezine alamyn».
– Benedıkt Kamberbetch
***
«Keıbir kitaptar bizdi bosatady, keıbiri – erkindikke jeteleıdi».
– Ralf Ýoldo Emerson
***
«Biz jalǵyz emestigimizdi bilý úshin kitap oqımyz».
– K.S. Lıýıs
***
«Kitapty sózbe-sóz, paraqtap oqyǵanda, sen onyń jasalýyna qatysasyń – dál Bahtyń shyǵarmasyn oryndap otyrǵan vıolonchelıst sııaqty. Jáne sen qaıta-qaıta oqyǵanda, sol kitap ta seni – seniń oıyńdy, sezimińdi, jan-dúnıeńniń kólemi men sıpattaryn qalyptastyrady».
– Ýrsýla K. Le Gýın
***
«Kóp oqy. Kitaptan úlken, asqaq ta tereń nárse kút. Qaıta oqýǵa tatymaıtyn kitap – oqýǵa da tatymaıdy».
– Sıýzen Zontag
***
«Oqýdy úırenseń, máńgilik erkin bolasyń».
– Frederık Dýglass
***
«Ádebıet – biz álem týraly úırenetin jáne bir býynnan kelesige qundylyqtar jetkizetin qaýipsiz de dástúrli qural. Kitaptar ómirdi saqtap qalady».
– Lorı Anderson
***
«Kórkem ádebıetti oqý mańyzdy. Bul – ózimizge jat ómirdi elestetýge múmkindik beretin tásil, al ol bizdi meıirimdi, janashyr ete túsedi. Kúrdeli oqıǵalardy qadaǵalaý mıymyzdy qysqa habarlamalardan bıikke kóteredi, al roman áleminde ómir súrý – tynyshtyq pen jalǵyz bolý daǵdysyn qalyptastyrady, al bul ekeýi qazir muzdyqtardan da tez joǵalyp barady».
– Enn Petchett
***
«Oqý men jazý – ómir boıǵy tájirıbe. Sózdermen belgili bir tásilde kezdesken kezde, olar bizdi qııaldyń bolmysyna, kúshine, qatysýyna ıtermeleıdi».
– Eýdora Ýeltı
Aǵylshyn tiline aýdarǵan
Dúısenáli ÁLIMAQYN
