IIM málimetinshe, Shý qalasynan Almaty oblysyna «baqylanatyn jetkizý» ádisimen júrgizilgen shara barysynda sıntetıkalyq esirtki óndirýmen aınalysqan qylmystyq shemany kórshi eldiń eki azamaty uıymdastyrǵan. Jedel is-sharalar kezinde zańsyz aınalymnan 11 keliden astam «mefedron» tárkilenip, aınalymǵa shamamen 35 myń bir rettik dozanyń túsýine jol berilmedi. Olardyń qara naryqtaǵy quny 1,6 mln AQSh dollaryn quraıdy.
Zerthanaǵa júrgizilgen tintý kezinde 20 lıtr jáne 115 kg psıhotroptyq zat, sondaı-aq eki tonnadan astam prekýrsor tárkilendi. Olardy óńdeý arqyly 120 kg sıntetıkalyq esirtki daıyndaý josparlanǵan. Qylmystyq ortaǵa keltirilgen zalal kólemi 17,5 mln AQSh dollaryna baǵalanyp otyr.
Ustalǵandar ýaqytsha ustaý ızolıatoryna qamaldy. IIM esirtki qylmysyna qarsy is-qımyl komıteti tóraǵasynyń mindetin atqarýshy Danııar Meıirhannyń aıtýynsha, bul baǵyttaǵy jumys jalǵasýda.
