Resmı delegasııa quramynda ICAO-nyń Soltústik Atlantıka aımaqtyq bıýrosynyń dırektory Nıkolas Rallo, Qazaqstan Respýblıkasy Kólik vıse-mınıstri Talǵat Lastaev, QR Azamattyq avıasııa komıtetiniń tóraǵasy Saltanat Tompıeva jáne Qazaqstannyń ICAO janyndaǵy turaqty ókili Tımýr Tlegenov boldy.
Qonaqtardy Almaty halyqaralyq áýejaıynyń prezıdenti Goker Kose ózi qarsy alyp, áýejaıdyń halyqaralyq termınaly boıynsha tanystyrý ekskýrsııasyn ótkizdi. Delegasııa zamanaýı jabdyqtalǵan, áýejaıdyń negizgi operasııalyq prosesterine jaýap beretin jańartylǵan «Áýejaıdyń operasııalaryn basqarý ortalyǵymen» tanysty. Sondaı-aq, qonaqtar Almaty halyqaralyq áýejaıynyń tarıhy men damýyna arnalǵan biregeı avıasııa murajaıynda boldy.
Ekskýrsııadan keıin taraptar resmı kezdesý ótkizdi, onda azamattyq avıasııany damytý salasyndaǵy yntymaqtastyq perspektıvalaryn talqylady. Negizgi nazar ınfraqurylymdy jańǵyrtý, turaqty damý, ekologııalyq basymdyqtar men avıasııalyq qaýipsizdikti qamtamasyz etýdegi zamanaýı tásilderdi engizý máselelerine aýdaryldy.
Salvatore Shakkıtano Almaty áýejaıynyń halyqaralyq standarttarǵa saı únemi damýǵa umtylysyn joǵary baǵalady. Ol áýejaıdyń ushý qaýipsizdigin qamtamasyz etýdegi jetistikterin, ekologııalyq jaýapty sheshimderdi engizýdi, sondaı-aq avıasııalyq sektordaǵy genderlik teńdikti ilgeriletýge baǵyttalǵan bastamalaryn erekshe atap ótti.
Kezdesý qorytyndysy boıynsha taraptar ICAO halyqaralyq standarttary aıasynda áýe tasymalynyń sapasy men qaýipsizdigin arttyrýǵa baǵyttalǵan bastamalar boıynsha odan ári yntymaqtastyq jáne birlesken jumysqa daıyn ekendikterin rastady.
