Jergilikti aýrýhanalar syrqattarmen lyq toly. Densaýlyq saqtaý júıesiniń múmkindigi shekteýli bolǵandyqtan, gýmanıtarlyq kómek kórsetýge halyqaralyq «Shekarasyz dárigerler» uıymynyń mamandary jumyldyryldy. Alaıda olar da ahýaldyń qıyndyǵyn joqqa shyǵarmaıdy.
«Dári-dármek tapshylyǵy, taza aýyzsýdyń jetispeýi jáne sanıtarlyq jaǵdaıdyń nasharlyǵy indettiń aldyn alýǵa jáne emdeýge úlken kedergi bolyp otyr», deıdi uıym ókilderi.
Tyrysqaq – asa qaýipti ishek ınfeksııasy. Ol kóbine las sý nemese zalaldanǵan taǵam arqyly juǵady. Aýrý adam aǵzasynda suıyqtyqtyń kúrt joǵalýyna sebep bolady. Eger der kezinde em qabyldanbasa, birneshe saǵat ishinde ólimge soqtyrýy múmkin.
Qazirgi tańda Kongo bıligi men halyqaralyq uıymdar indettiń taralýyn tejeý úshin shuǵyl sharalar qabyldap jatyr. Degenmen, aımaqtaǵy medısınalyq ınfraqurylymnyń álsizdigi, gıgıenalyq jaǵdaıdyń tómendigi jáne taza aýyzsýdyń joqtyǵy jaǵdaıdy kúrdelendirip tur.
