Foto: shkolamoskva.ru
Kezdesýde fıdjıtal-sportty fızıkalyq belsendilik pen sıfrlyq tehnologııalardy biriktiretin perspektıvalyq baǵyt retinde damytýǵa nazar aýdarylyp, 2026 jyly Qazaqstanda «Bolashaq oıyndary» halyqaralyq týrnırin ótkizý jónindegi máseleler de talqylandy.
Týrızm jáne sport mınıstri Erbol Myrzabosynov daıyndyq bekitilgen josparǵa sáıkes júrgizilip jatqanyn baıandady.
QR Kıbersport federasııasynyń derekterine sáıkes, búginde 1,5 mln-nan astam qazaqstandyq belsendi túrde kıbersportpen aınalysady.
Joǵary tehnologııalyq halyqaralyq is-sharany Astanada uıymdastyrý jastar arasynda jańa sporttyq formattardyń tanymaldylyǵyn arttyrýǵa yqpal etedi.
Kezdesýge qatysýshylar fıdjıtal-sportty damytý boıynsha yntymaqtastyqty nyǵaıtý jónindegi usynystaryn jetkizdi.
Aıta keteıik, Phygital International álemniń 98 elin qamtıtyn Phygital Dúnıejúzilik qaýymdastyǵymen (WPC) seriktestikte jumys isteıdi. WPC fıdjıtal-pánder úshin erejeler men standarttardy ázirleýmen, «Bolashaq oıyndary» (games of the Future) halyqaralyq týrnırine qatysý úshin óńirlik jáne ulttyq irikteý týrnırlerin uıymdastyrýmen aınalysady. Sport, sıfrlyq tehnologııalar jáne marketıng sııaqty ártúrli salalardaǵy mamandardyń basyn biriktiredi.
