Búgingi kúni Qonaevta 8 qalalyq jaǵajaı bar. Byltyr №5 jaǵajaı bıýdjet esebinen, al bıyl onyń tóńiregindegi 1 shaqyrym jaǵajaı ınvestor esebinen abattandyrylyp, qoldanysqa berilgen.
«Jaǵajaıdyń jańa keıipke enýi týrıstik tartymdylyqty arttyrdy. Mysaly, byltyr qalamyzǵa 1,5 mln demalýshy kelse, bıyl onyń sany shomylý maýsymy aıaqtalmaı-aq 860 myńnan asyp ketti. Orta eseppen alǵanda №5 jaǵajaıǵa kúndelikti 1500-2000, demalys kúnderi 4500-6000 adam keledi. Bul óte jaqsy kórsetkish», dedi ákim.
Shahar basshysynyń sózinshe, 7 jaǵajaı №5 jaǵalaýdyń stıline sáıkestindirilip jasalady. Iаǵnı, jobada ınfraqurylym, sanıtarlyq aımaqtar, jasyl aımaqtar, shaǵyn sáýlettik nysandar, kompozısııalar, demalys oryndary men fýdkorttar, qaýipsizdik sharalary qarastyrylady.
«Raýan shaǵynaýdanynan bastap 18-shaǵynaýdanǵa deıingi aýmaqty qamtıtyn 6,1 shaqyrymdyq jaǵalaý aımaǵy kezeń-kezeńimen jańǵyrtylady. Onyń ishinde №5 jaǵalaý qoldanysta bolsa, qalǵanynyń jobalyq qujattary daıyndalýda. Bıyl shomylý maýsymy aıaqtalǵan soń №6 jáne №7 jaǵajaıda qurylys jumystary bastalady dep josparlanýda. Al №8 jaǵajaı ınvestor esebinen abattandyrylady dep kútilýde», dedi ol.
Sondaı-aq ol kommýnaldyq jaǵajaılardan bólek, 140 demalys ornyna qatysty josparlarmen bólisti. Qala ákimi Qapshaǵaı sý qoımasynyń jaǵalaýynda týrıstik aımaqtardyń kóptigin, sol sebepti, olardy da bir rettilikke, qalypqa keltirý úshin dızaın-kod jasalyp, usynys beriletinin tilge tıek etti. Kásipkerlermen birlese otyryp, qyzmet kórsetý sapasyn arttyrý jáne demalys oryndaryn estetıkalyq jaǵynan úılestirýdiń de mańyzy zor ekendigin aıryqsha atady.
Qalada týrızmdi damytý maqsatynda 2025-2028 jyldar aralyǵynda jalpy somasy 306,4 mlrd teńgeni quraıtyn 11 ınvestjoba júzege asady dep josparlanýda. Onyń qatarynda qonaq úıler, basseınder, golf-klýb, saýda úılerin jáne basqa da nysandar bar. Oǵan ákimdik tarapynan qajetti memlekettik qoldaýlar kórsetiletindigin málim etti.
Buǵan deıin qala ákimi qyzmet kórsetý sapasyn arttyrý boıynsha jıyn ótkizip, onda tazalyq, sanıtarlyq talaptar, qaýipsizdik jáne tártiptiń saqtalýy boıynsha naqty tapsyrmalar berilgen edi.
Almaty oblysy
