Jastardy qoldaý jalǵasa beredi

Is-sharaǵa Mádenıet jáne aqparat mınıstrligi Jas­tar jáne otbasy isteri komı­teti­niń tóraǵasy Qaırat Qamba­rov, «Assambleıa jastary» res­­pýblıkalyq jastar uıy­my­nyń tóraǵasy, «Daryn» mem­leket­tik syılyǵynyń laýreaty Tımýr Jumyrbaev, sondaı-aq «Talapai» jobasynyń avtory, 2023 jylǵy «Táýelsizdik urpaqtary» grantynyń ıegeri Aınur Polatova qatysty.

Qaırat Qambarovtyń aıtýynsha, jastardy qoldaý – memlekettik saıasattyń basty basymdyqtarynyń biri. Osy maqsatta daryndy jastardy qol­daýǵa arnalǵan birqatar baǵ­darlamalar men jobalar júzege asyrylyp keledi.

Solardyń biri – 1992 jyly taǵaıyndalǵan «Daryn» mem­le­kettik jastar syılyǵy. Syı­lyq «Ádebıet», «Ǵylym», «Dızaın jáne beıneleý óneri», «Jýrnalıstıka», «Klassıkalyq mýzyka», «Qoǵamdyq qyzmet», «Sport», «Teatr jáne kıno», «Estrada», «Halyq shyǵar­mashylyǵy» sııaqty on atalym boıynsha tabystalady.

Osy ýaqytqa deıin bul marapatty elimizden bólek shetelderde jetistikke jetken 360-tan astam jas ıelendi.

Ár jyldary elimizdiń týyn álemge tanytqan sportshylarymyz Olga Shıshıgına, Serik Sápıev, Danııar Eleýsinov, Dına­ra Sadýaqasova, Denıs Ten, óner salasynda ózindik orny bar Amanjol Áltaev, Aı­gúl Imanbaeva, Dosymjan Tańa­tarov, Marııa Mýdrıak, Dımash Qudaıbergen, «Mýz ART», «Jigit­ter» jáne «Ulytaý» toptary, ǵylym salasynda Maksım Zdoroves, Maqsat Jabagın, jýrnalıstıka salasynda Gúlnaz Álimgereı, Maqpal Jumabaı, Irına Ten syndy ónerli, talantty qoǵam qaıratkerleri «Da­ryn» memlekettik jastar syı­lyǵynyń laýreattary atanǵan.

Bıyl «Daryn» syılyǵyna qujat qabyldaý 26 maýsymnan 27 tamyzǵa deıin jalǵasady. Syı­lyq ıegerine «Daryn» mem­le­ket­tik jastar syılyǵynyń laý­rea­ty» ataǵy, dıplom, tósbelgi men aqshalaı syıaqy tabystalady.

2024 jyldan bastap syılyq­tyń mólsheri ár nomınasııa bo­ıynsha 600 myń teńgeden 1 mıllıon teńgege kóbeıdi.

Sondaı-aq 2021 jyldan beri Memleket basshysynyń bastamasymen shyǵarmashyl jastardy qoldaý maqsatynda jyl saıyn «Táýelsizdik urpaqtary» granty bólinip keledi. Onyń kólemi – 3 mln teńge.

Grant konkýrstyq negizde alty baǵyt boıynsha – «Ǵylym», «Mádenıet», «Aqparattyq tehnologııalar», «Bıznes», «Medıa» jáne «Volonterlik» jobalardy iske asyrý úshin beriledi. Bu­ǵan deıin 123 jas mamannyń ınnovasııalyq jobasy qoldaý tapty. Grantqa 14 jastan 35 jasqa deıingi el azamattary úmit­ker bola alady. Bıyl ótinim­der 16 maýsym men 18 tamyz aralyǵynda qabyldanady.

Budan bólek, 2023–2029 jyl­darǵa arnalǵan Qazaqstan Res­pýblıkasynyń memlekettik jas­tar saıasaty tujyrymdamasy aıasynda óńirlik «Táýelsizdik urpaqtary» granty da bólinedi.

2025 jyly jergilikti atqarý­shy organdardyń málime­tine sáı­kes, jergilikti bıýdjet esebi­nen 277 óńirlik grant berý jos­par­lanǵan. Aıta ketý kerek, grant sany, kólemi men baǵyty jergi­likti ákimdikter tarapynan aıqyndalady.