Ánshi fınalda «Vechnost» kompozısııasyn oryndap, kórermendi talantymen tánti etti. Kópshiliktiń kóńilinen shyǵyp, qazylar alqasynyń joǵary baǵasyna ıe boldy. О́nerpaz eki baıqaý kúniniń qorytyndysynda 137 upaı jınap, festıvaldyń Gran-prı júldesin jeńip aldy.
Almagúl Battalıeva – Almaty qalasynyń týmasy, daryndy jas ánshi. Erte jastan vokaldyq qabileti anyq baıqalǵan. 14 jasynda P.I.Chaıkovskıı atyndaǵy Almaty mýzykalyq kolledjine oqýǵa túsken. Sonymen qatar Almagúl birneshe aspapty – akkordeon, fortepıano jáne ýkýleleni erkin meńgergen.
Almagúl – sheber oryndaýshy ǵana emes, sahnaǵa degen qurmeti men jaýapkershiligi mol ónerpaz. Ol «Jas Qanat – 2023» festıvali, «Almatym júregimde» halyqaralyq baıqaýy syndy bedeldi mýzykalyq syndarda joǵary deńgeıde óner kórsetip, kásibı sheberligin birneshe márte dáleldegen.
