Tapqyrlyq

Aınalaǵa qarap, jan-jaǵyna alań­dap kele jatqan jazýshy kenet saparlastarynan qalyp qoıǵanyn bir-aq bildi. Jazýshy qaýpalaqtady da qaldy. Ári-beri júgir­gishtedi. Saparlastary qara úzip ketipti. Zym-zııa. Anda-mynda barǵyshtady. Otan­dastarynyń birde-birin kezdestire almady. Túıedeı qylyp tastap ketkenine qapalandy. Biraq olar tastap ketti me, álde ózi qalyp qoıdy ma? Áı, osy shetel sapary-aı, az ýaqytqa kelesiń de, jyn qýǵandaı júgirip júrgeniń...

Qaýpalaqtaǵan Sábıt «Qa­zaq», «Qazaq» dep ún qatsyn aınalasyna. Eshkim nazar aýdarmaıdy, nazar aýdarǵany qazaq jazýshysynyń ne dep turǵanyn túsinbeıdi. Shetelde búkil keńes odaǵyn «Reseı» deıdi de qoıady.

Kenet Sábıt Muqanovtyń esine esimi shetelde dúrildep shyǵyp turǵan aqyn Jákesi túsip ketti. «Bir bilse, sonyń esimin biler bular!». Jalma-jan jazýshy: «Jambyl, Jambyl. Men – Jambyl»,  dep aıqaı salsyn.

Anadaıdan bireý burylyp kelip, «Rossııa, Rossııa», dedi.

Mynaý jýan sary adam­nyń keńes odaǵy azamaty ekenin bilip, elshilikke ákelip salypty. Kezinde qazaq atyna júrgen qaıran Jákeń...

Qulbek ERGО́BEK,

ádebıet synshysy