Foto: egemen.kz/ Qyrmyzy Jumaǵalıqyzy
31 ınfeksııa, onyń ishinde qyzylsha, kókjótel - 6,8 ese, A vırýstyq gepatıti - 2,4 ese, koronavırýstyq ınfeksııa - 2,1 ese, lıamblıoz - 30%, askarıdozben tirkelgender - 20% tómendegen.
Osy kezeńde 24 ınfeksııalyq aýrý: oba, tyrysqaq, dıfterııa, polıomıelıt, ish súzegi, paratıfpen syrqattanýshylar tirkelmegen.
«Qyzylshaǵa qarsy profılaktıkalyq egýlerdiń ulttyq kúntizbesi sheńberinde 336 myńnan astam, kókjótelge qarsy 480 myńnan astam bala ekpe aldy. Vaksınasııalaýmen qamtý usynylǵan kórsetkishter sheginde bolady. Sondaı-aq, ulttyq ımmýndaý baǵdarlamasy basymdyqtarynyń biri adam papıllomavırýsyna qarsy vaksınasııalaý bolyp qala beredi», delingen Sanıtarııalyq-epıdemıologııalyq baqylaý komıtetiniń habarlamasynda.
Aıta keteıik, 11-13 jas aralyǵyndaǵy qyzdardy josparly ımmýndaý aıasynda vaksınasııalaýdyń birinshi kezeńinen - 148 444, ekinshi kezeńnen - 86 745 qyz ótti.
