«Chelsı» – chempıon!

Básekeler Los-And­jeles­tiń «Roýz Boýl» (88 500 kórermenge eseptelgen), Nıý-Iorktiń «Met­laıf-stedıým» (82 500), Atlan­ta­nyń «Mersedes-Bens Stedıým»
(75 000), Fıla­delfııanyń «Lın­koln Faı­nenshel Fıld»
(69 176), Sıetldiń «Lıýmen Fıld» (69 000), Maıa­mı-Gardenstiń «Hard Ro Ste­dıým» (65 000), Orlanda­nyń «Kem­pıng Ýorld» (65 000) pen «Inter end-Ko Stedıým»
(25 000), Neshvıldiń «Geodıs Park»
(30 000), Sınsınattıdiń «Tı-kıý-el-Stedıým» (26 000), Sharlottyń «Bank of Amerıka Stedıým»
(75 000), Vashıngtonnyń «Aýdı Fıld» (20 000) sta­dıon­darynda ótti.

Ár toptan úzdik shyqqan qos komanda 1/8 fınalǵa joldama alyp, básekeler mynadaı nátıjelermen aıaqtaldy: «Inter» – «Flýmınense» 0:2, «Manchester Sıtı» – «Ál-Hılıal» 3:4 (qosymsha ýaqyt), «Palmeıras» – «Botafago» 1:0 (qosymsha ýaqyt), «Benfıka» – «Chelsı» 1:4 (qosymsha ýaqyt), PSJ – «Inter Maıamı» 4:0, «Flamengo» – «Bavarııa» 2:4, «Real» – «Iýventýs» 1:0, «Borýssııa» – «Monterreı» 2:1. Shırek fınalda «Flýmınense» «Ál-Hılıalden» 2:1 esebimen basym tússe, «Chelsı» «Palmeırasty» dál sondaı nátıjemen utty. PSJ «Bavarııanyń» qaqpasyna jaýapsyz eki dop soqty – 2:0. «Real» men «Borýssııa» arasyndaǵy matchta 3:2 esebi tirkeldi.

Jartylaı fınalda «Chelsı» «Flýmınensege» esh múmkindik bermedi – 2:0. Bul kezdesýde Jýan Pedro dýbl avtory atandy. Ol 18, 56-mınýttarda nysanany dál kózdedi. Kelesi matchta PSJ men «Real» kúsh synasty. Bul matchta parıjdikter koroldik klýbtyń tas-talqanyn shyǵardy – 4:0. Oıyn barysynda Fabıan Rýıs eki, Ýsman Dembele men Gonsalý Ramýsh bir retten mergendik ­tanytty.

13 shilde kúni Nıý-Iorktiń dál irgesinde ornalasqan Ist-Raterfordtaǵy «Metlaıf-ste­dıýmda» bas júlde sarapqa salyndy. Básekede «Chelsı» 3:0 ese­­bimen jeńiske jetti. Bar­lyq gol birinshi taımda soǵyldy. ­22, 30-mınýttarda Koýl Pal­mer dýbl avtory atansa, 43-mınýtta Joao Pedro matchtyń núktesin qoıdy.

Fınaldyq saıys aıaqtal­ǵan­nan keıin klýbtyq álem chem­pıonatynyń eń úzdik oıynshylary anyqtaldy. MVP-nyń «Altyn dobyn» Koýl Palmer ıelense, «Kúmis dop» pen «Qola dopty» PSJ-nyń juldyzy Vıtıno men «Chelsıdiń» jartylaı qor­ǵaýshysy Moıses Kaısedo en­shi­ledi. Eń úzdik surmergenge tıe­sili «Altyn dopty» «Realdyń» sha­býylshysy Gonsalo Garsııa jeńip aldy.

FIFA-nyń klýbtyq álem chempıonaty 2000 jyldan beri uıym­dastyrylyp keledi. Tusaýke­ser týrnırdi Brazılııa qabylda­dy. Rıo-de-Janeırodaǵy áıgili «Marakana» stadıonynda ótken fınalda jergilikti qos klýb – «Korıntıans» pen «Vasko da Gama» kezdesti. Jeńimpaz penaltı barysynda anyqtaldy. «Fýtbol lotereıasynda» «Korın­tıanstyń» joly boldy. Jalpy, atalǵan jarysta eń kóp oljaǵa kenelgen – «Real Madrıd». Ko­rol­dik klýb dúbirli dodanyń bese­ýinde bas júldeni oljalady. «Barselona» – 3, «Korıntıans», «Bavarııa», «Chelsı» – 2, «Lı­verpýl», «Inter», «San-Paýlý», «Mılan», «Manchester Iýnaıted», «Manchester Sıtı» bir-bir retten jeńimpaz atandy.