«Abaı QUIZ» zııatkerlik dodasyna elimizdiń barlyq aımaǵynan 180 komanda, ıaǵnı 1080 jas qatysady dep josparlanyp otyr. Bul – ıntellektýaldy oıyndar tarıhyndaǵy rekordtyq kórsetkishterdiń biri retinde Qazaqstan Rekordtar kitabyna (KINES) engizilmek.
«Abaı QUIZ» respýblıkalyq zııatkerlik oıyny – Abaı oblysy ákimdiginiń qoldaýymen, Abaı oblysynyń Jastar saıasaty máseleleri jónindegi basqarmasy jáne Semeı qalasy ákimdiginiń uıymdastyrýymen 2 tamyz kúni Semeı qalasyndaǵy «Abaı Arena» kópfýnksıonaldy mádenı-sport kesheninde ótedi. Tirkelý merzimi – 2025 jylǵy 25 shildege deıin», deıdi uıymdastyrýshylar.
Intellektýaldy is-sharanyń maqsaty – Abaı Qunanbaıulynyń ómiri men shyǵarmashylyǵyn keńinen dáripteý, jastar arasynda bilim men mádenıetke degen qyzyǵýshylyqty arttyrý, ıntellektýaldy oıyndy jastardyń ómirlik daǵdylaryn damytý quraly retinde nasıhattaý, Qazaqstan jastarynyń arasyndaǵy komandalyq rýh pen dostyq baılanystardy nyǵaıtý.
Oıynǵa qatysý sharttary: Oıyn qazaq tilinde ótedi. Qatysýshylardyń jasy – 18-35 jas aralyǵy, ár komanda 6 adamnan turady, jalpy sany – 180 komanda: olardyń quramynda mektep, kolledj, JOO oqýshylary men stýdentteri, memlekettik jáne úkimettik emes uıym ókilderi, mádenıet, sport, BAQ jáne basqa da sala jastary qamtylady.
Júlde qory – 4 700 000 teńge
- I oryn – 1 000 000 tg
- II oryn – 800 000 tg
- III oryn – 600 000 tg
- IV–V oryn – 400 000 tg
- VI–X oryn – 200 000 tg
Sonymen qatar, úzdik komandalarǵa arnalǵan arnaıy nomınasııalar taǵaıyndalady: «Úzdik stýdenttik komanda», «Úzdik ujym», «Úzdik aýdan komandasy», «Eń kreatıvti komanda», «Úzdik obraz», «Úzdik talpynys», «Qara sóz júldesi» jáne t.b. Oıyn kezeńderi: «Abaı QUIZ» 7 negizgi kezeńnen turady, olardyń árqaısysy Abaı murasyn, ulttyq tarıh pen ádebıetti, logıkalyq oılaýdy jáne shyǵarmashylyq qabiletti qamtıdy. Oıyn barysyn arnaıy konserttik baǵdarlamalar men mýzykalyq úzindiler súıemeldeıdi. Sonymen birge, qonaq komandalar úshin Semeı qalasynyń tarıhı-mádenı oryndaryna ekskýrsııa uıymdastyrylyp, keshki as jáne mádenı baǵdarlama usynylady.
Abaı oblysy
