Kollajdy jasaǵan – Záýresh SMAǴUL ,«EQ»
Basshylyqta kim bolýy kerek?
Eń aldymen Aıda Balaeva basshylyqty tańdaý máselesinde kıno salasynyń kásibı ókilderimen, sonyń ishinde Asanáli Áshimovpen keńeskenin aıtty.
«Sol kezde biz «Qazaqfılmdi» akter de, rejısser de emes, kásibı menedjer basqarýy kerek degen ortaq oıǵa keldik. Rasynda, bizge naqty nátıje qajet.Sondyqtan qazirgi basshyny qazaq tilin jetik bilmeıdi dep kinálap, atqarylyp jatqan jumystardy joqqa shyǵarý orynsyz dep sanaımyn», dedi mınıstr.
Aıda Ǵalymqyzynyń aıtýynsha, stýdııanyń basty baǵyttarynyń biri – jeke ınvestısııa tartý. Sońǵy 15 jylda alǵash ret demeýshilerdiń qoldaýymen ishinara jóndeý jumystary bastalǵan. Buǵan qosa, Kinopark & Kinoplexx kınoteatrlar jelisiniń qarjylandyrýymen stýdııa aýmaǵynda jazǵy kınoteatr salý jáne 1 myń sharshy metrlik ǵımaratty jóndeý josparlanyp otyr.
«Biz ár azamattyń pikirin qurmetteımiz. Biraq bizdiń ustanymymyz – «syn shyn bolsyn, shyn syn bolsyn». Keıbir azamattar aıtyp júrgendeı, eshkim «Qazaqfılmniń» jerin satyp jibermek emes. Biz otandyq fılmderdiń ár jetistigine shyn qýanyp, ony buqaralyq aqparat quraldarynda turaqty túrde nasıhattap kelemiz», dedi mınıstr.
Mınıstrdiń pikirinshe, negizsiz aıyptaý, dálelsiz daý, sebepsiz kiná taǵý kınostýdııany alǵa bastyrmaıdy. Kerisinshe, ol barsha shyǵarmashylyq qaýymdy birigip eńbek etýge shaqyrdy. Sebebi kıno – ulttyń rýhanı kodynyń kórkem beınesi, al ony damytý – tek memleketke emes, búkil shyǵarmashylyq ortaǵa ortaq mindet.
«Biz alǵash taldaý júrgizgen kezde kınogerlerdiń basym bóligi sapaly ónim shyǵarýǵa jáne ony nasıhattaýǵa múddeli emes ekenin aıtqanymyzda biraz adam renjidi. Keı rejısserler tipti ashyq qarsylyq tanytty», dedi mınıstr.
Sonymen qatarMádenıet jáne aqparat mınıstri ulttyq kınony qoldaýǵa arnalǵan pıtchıng júıesine qatysty týyndaǵan pikirlerge óz ustanymyn bildirdi. Mınıstrdiń aıtýynsha, elimizde pıtchıngke qatysýǵa nıetti shyǵarmashyl jastardyń qatary kóbeıip kele jatqany – úmit pen senimniń belgisi.
«Alaıda baıqaýdan ótpegen jaǵdaıda narazylyq tanytyp, irikteý úderisiniń ádildigine kúmán keltiretinder de bar. Tipti, keıbireýler «mıtıngke shyǵamyz» degenge deıin barady. Bul – ókinishti jaǵdaı. О́ıtkeni mádenıet daý-damaıdyń emes, tyń ıdeıa men aýyzbirliktiń alańy bolýy kerek», dedi Aıda Balaeva.
Mınıstr pıtchıng úderisiniń ashyqtyǵyn arttyrý maqsatynda júıege birqatar ózgerister engizilgenin aıtty. Atap aıtqanda, sarapshylar quramy jańartylyp, irikteý krıterııleri naqtylanǵan.
«Biz mádenı básekelestikti saıası alańǵa aınaldyrmaýymyz kerek. Shyǵarmashylyq – senim men jaýapkershilikke negizdelýi kerek. Eger biz halyqaralyq deńgeıde moıyndalatyn kıno jasaǵymyz kelse, eń aldymen, óz ishimizde ádilettilikke, tártipke jáne ortaq jaýapkershilikke úırenýimiz kerek. Jeńilisti de, jeńisti de mádenıetpen qabyldaý – shyǵarmashylyq adamǵa tán qasıet», dedi mınıstr.
Balaevanyń aıtýynsha, Memleket basshysynyń tapsyrmasyna sáıkes, 2030 jylǵa deıin otandyq fılmderdiń kınoqurylymdaǵy úlesin 35 paıyzǵa jetkizý kózdelip otyr. 2024 jyly memlekettik qarjylandyrý aıasynda 16 ulttyq fılm kórermenge jol tartsa, bıyl 6 týyndy jaryq kórip, jyl sońyna deıin taǵy 10-ǵa jýyq kartına prokatqa shyǵarylady.
Sondaı-aq mınıstr el aýmaǵynda sheteldik jáne otandyq fılmderge prokattaý kýáligin berý rásimin jetildirý maqsatynda zańnamany kúsheıtý baǵytynda jumystar júrgizilip jatqanyn da atap ótti.
«Bizge jańa tolqyn, jańa mazmun qajet. Ol úshin shynaıy talantty jastarǵa jol ashý – bizdiń mindetimiz. Aǵa býyn renjimesin, biraq búgingi jastar az qarajatpen úlken taqyryptardy ıgerip, jańa ózgeristerge jol ashyp keledi. Bul – ulttyń jańa kórkemdik aınasy. Olardyń eńbegi bedeldi halyqaralyq kınofestıvalderde joǵary baǵalanyp júr. Demek, bizde áleýet bar. Endigi maqsat – osy áleýetti júıeli túrde qoldap, oǵan jol ashý», dedi Aıda Balaeva.
Mınıstrdiń aıtýynsha, kásibı mádenıetti qalyptastyrý arqyly ǵana otandyq kınoındýstrııa halyqaralyq arenada óz ornyn taba alady.
