Eń joǵary jalaqy tirkelgen óńir – Atyraý oblysy, munda ortasha jalaqy 634,2 myń teńge. Ekinshi orynda Mańǵystaý oblysy tur (621,3 myń teńge). Úshinshi oryndy Ulytaý oblysy (599 myń teńge) ıelendi.
Kerisinshe, eń tómengi jalaqy deńgeıi Soltústik Qazaqstan oblysynda tirkeldi – 300,1 myń teńge. Sondaı-aq, Jetisý oblysynda (308,4 myń teńge) jáne Jambyl oblysynda (308,9 myń teńge) da kórsetkishter eldegi eń tómengi deńgeılerdiń qatarynda.
2025 jyldyń alǵashqy toqsanynda naqty jalaqy ındeksi 101,2%-dy qurady. Bul ınflıasııany eskere otyryp, jalaqynyń satyp alý qabiletin kórsetetin mańyzdy ındıkator. Atalǵan ındeks elimiz boıynsha ortasha eseppen 1,2%-ǵa ósse de, birqatar óńirlerde tómendeý baıqalǵan. Atap aıtqanda:
• Batys Qazaqstan oblysynda naqty jalaqy 5,2%-ǵa tómendegen;
• Atyraý oblysy – 3,9%;
• Shyǵys Qazaqstan – 1,9%;
• Qyzylorda – 1,2%;
• Aqmola – 1,1%;
• Mańǵystaý oblysynda – 0,8% tómendegen.
Sondaı-aq, shilde aıynan bastap sý salasynda qyzmet etetin mamandardyń jalaqysy 50%-ǵa deıin artatyny belgili boldy. Úkimettiń sheshimine sáıkes, bul ózgeris salanyń eńbek naryǵyndaǵy tartymdylyǵyn arttyrý maqsatynda qolǵa alynǵan.
