Oqıǵa Aqtaý qalasyndaǵy "Brız" ıahta-klýby mańynda úgit-nasıhat jáne profılaktıkalyq is-sharalar ótkizý kezinde bolǵan.
SUP-taqtamen serýendep júrgen 5 adam qatty jelge tap bolyp, 2,5 shaqyrym qashyqtyqta ashyq teńizge shyǵyp ketken.
О́zdiginen jaǵaǵa orala almaǵan demalýshylarǵa jedel-qutqarý jasaǵynyń qyzmetkerleri kómekke kelgen.
– Qutqarýshylardyń jedel áreketiniń arqasynda 5 adam jaǵaǵa din aman jetkizildi. Eshqaısysyna medısınalyq kómek qajet bolmady, – dep jazdy TJM baspasóz qyzmetinen.
Tótenshe jaǵdaılar mınıstrligi azamattardy jeldi jáne daýyldy kúnderi sýǵa shyqqanda abaı bolýǵa, mindetti túrde qutqarý keýdeshelerin kııýge jáne aýa raıyn muqııat baǵalaýǵa shaqyrady.
