Foto: Ashyq derekkóz
Eńbek jáne halyqty áleýmettik qorǵaý mınıstrligine oblys ákimdikterimen birlesip, óńirlik jumyspen qamtý kartalarynda belgilengen negizgi kórsetkishterdiń oryndalýyn qamtamasyz etý júkteldi.
О́ńir basshylaryna turaqty jumys oryndaryn ashýǵa erekshe nazar aýdara otyryp, jumyspen qamtý boıynsha qabyldanǵan josparlardyń júzege asyrylýyn tikeleı baqylaýda ustaý tapsyryldy.
Ulttyq ekonomıka mınıstrligine, salalyq memlekettik organdar men ákimdiktermen birlese otyryp, 2025–2027 jyldary iske asyrylatyn jobalarǵa qatysty barlyq qajetti derekterdi 1 qyrkúıekke deıin memlekettik josparlaýdyń aqparattyq júıesine engizý qajet. Sonymen qatar, kelesi jyldyń basynan bastap halyqty jumyspen qamtý kórsetkishteri boıynsha aýdan jáne qala ákimderiniń qyzmetine KPI júıesi engizilýi tıis.
Al Sıfrlyq damý mınıstrligine jyl sońyna deıin memlekettik organdar men jeke sektordyń derekterin biriktiretin, jańa jumys oryndaryn ashýdy baqylaýǵa múmkindik beretin biryńǵaı sıfrlyq platforma ázirleý tapsyryldy.
