Foto: Ashyq derekkóz
Atap aıtqanda, ol Ońtústik Koreıa, Taıland, Kambodja jáne Pákistanmen áriptestik ornatqanyn málimdegen. Sonymen qatar, Tramp Úndistan men Brazılııadan ımporttalatyn taýarlarǵa baj salyǵyn engizetinin jarııalady.
Ońtústik Koreıamen kelisim
Seýl AQSh ekonomıkasyna 350 mıllıard dollar kóleminde ınvestısııa quıýǵa jáne amerıkalyq energııa resýrstaryn 100 mıllıard dollarǵa satyp alýǵa kelisken. Eki el arasyndaǵy kelisimde AQSh-qa kedendik baj salynbaıtyny, al Ońtústik Koreıa amerıkalyq kólik, aýylsharýashylyq tehnıkasy jáne basqa da ónimderdi qabyldaıtyny aıtylǵan.
Taıland pen Kambodjamen saýda
Vashıngton Taıland jáne Kambodjamen de jańa saýda kelisimderge qol jetkizdi. Bul kelisimder týraly tolyq aqparat áli jarııalanǵan joq. Degenmen Tramp óz deldaldyǵy nátıjesinde eki el arasynda beıbit kelisim ornap, qaqtyǵystyń aldyn alǵanyn málimdedi.
Pákistanmen yntymaqtastyq
Pákistanmen jasalǵan kelisimge sáıkes, AQSh atalǵan eldegi iri munaı qorlaryn birlesip ıgerýge qatysady. Qazir bul jobany júzege asyratyn amerıkalyq munaı kompanııasy tańdalyp jatyr.
Úndistan men Brazılııaǵa qarsy tarıfter
Tramp Úndistanǵa 1 tamyzdan bastap 25% kedendik baj salyǵy engiziletinin habarlady. Ol Úndistannyń joǵary tarıfteri men saýda kedergilerin synǵa alyp, Vashıngton men Delı arasyndaǵy saýdanyń shekteýli ekenin aıtty.
Sol sııaqty, Brazılııadan keletin ımportqa salynatyn baj salyǵy 10%-dan 50%-ǵa deıin kóterildi. Bul sheshim eldiń burynǵy prezıdenti Jaır Bolsonarýǵa qatysty is-sharalarǵa baılanysty qabyldanǵan. AQSh bıligi bul prosestiń saıası astary baryn meńzedi.
