Foto: gov.kz
Byltyr ana óliminiń deńgeıi 12%-ǵa, náreste óliminiń deńgeıi 11%-ǵa tómendegen. Bıylǵy jyldyń 6 aıynyń qorytyndysy boıynsha ana óliminiń deńgeıi 10%-ǵa, náreste óliminiń deńgeıi 26%-ǵa azaıǵan.
Mınıstr bul kórsetkishterge DDSU men IýNISEF-tiń halyqaralyq usynymdaryna negizdelgen medısınalyq kómek kórsetýdegi jańa tásilderdi engizý nátıjesinde qol jetkizilgenin aıtty. Sonyń ishinde, elimizde akýsherııa salasynda 25 jáne pedıatrııa boıynsha 20 klınıkalyq hattamalar jańartylǵan.
Sondaı-aq, bosanǵannan keıingi qan ketýlerdiń aldyn alýdyń jańa ádisteri engizilgene. Sonyń nátıjesinde bıyl aǵzalardy saqtap qalý operasııalary 20%-ǵa artqan.
Medısınalyq avıasııa jelisi boıynsha der kezinde jáne joǵary mamandandyrylǵan medısınalyq kómek kórsetý sharalary aýyr jaǵdaıdaǵy áıelder men balalardyń 96%-yn qutqaryp qalýǵa múmkindik bergen.
Odan bólek ótken jyldan bastap bosandyrý jáne balalarǵa arnalǵan uıymdardyń medısınalyq tehnıkamen jabdyqtalýy 87%-ǵa deıin jaqsaryp, tozý kórsetkishi 37%-ǵa deıin tómendegen.
Al bıyl elimizde 12 zamanaýı perınataldyq ortalyqty salý josparlanǵan. Jańa nysandar Astana, Almaty, Shymkent, Atyraý, Taraz, Qaraǵandy, Qaskeleń, Qostanaı, Qyzylorda, Oral qalalarynda jáne Túrkistan oblysynyń Temirlan aýylynda boı kóteredi.
