Polısııa departamentiniń ekstremızmge qarsy is-qımyl basqarmasy men Syrym aýdandyq polısııa qyzmetkerleri birlesip júrgizgen jedel-izdestirý is-sharalarynyń nátıjesinde Syrym aýdanynyń aýyldarynyń biriniń eki turǵyny zańsyz qarý men esirtki zattaryn saqtaǵany úshin ustalǵan.
Kúdiktilerdiń turǵyn úılerine júrgizilgen tintý barysynda bir kúdiktiden tirkelmegen ańshy myltyǵy, oq-dáriler jáne jasyl tústi, untaqtalǵan ósimdik tektes (esirtki zatyna uqsas) 500 gramnan astam zat, qoldanylǵan 6 shprıs pen plastık bótelke (bular esirtki qoldanýǵa arnalǵan bolýy múmkin) tabylsa, ekinshi kúdiktiniń úıinen gazetke oralǵan ósimdik tektes zat, aýlasynan úsh paket ósimdik tektes zat, ósimdik zaty bar úsh shprıs, esirtkini daıyndaýǵa jáne tutynýǵa arnalǵan arnaıy qurylǵylar shyqqan.
«Atalǵan fakti boıynsha qylmystyq is qozǵaldy. Barlyq tárkilengen zattarǵa sot-hımııalyq jáne ballıstıkalyq saraptama taǵaıyndaldy. Qazirgi ýaqytta esirtki zattarynyń shyǵý kózin anyqtaýǵa baǵyttalǵan tergeý amaldary júrip jatyr» dep habarlady polısııa departamentiniń baspasóz qyzmeti.
Batys Qazaqstan oblysy
