Sýretti túsirgen – Erlan OMAR, «EQ»
Bilim – barshaǵa ortaq qundylyq bolǵandyqtan, árbir bala qaıda tursa da, sapaly bilim alýǵa teń quqyly. Eger aýyl oqýshylary zamanaýı bilimge qol jetkize almasa, bul – ulttyq áleýettiń tolyq paıdalanylmaı jatqanyn bildiredi. Aýyl balasyn zaman talabyna saı jaıly bilim berý ortasymen qamtamasyz etý maqsatynda júzege asyp jatqan bul bastama onyń qarym-qabiletine qaramastan, kez kelgen balaǵa jaıly orta bolmaq. Atap aıtsaq, erekshe bilim berý qajettilikteri bar jetkinshekter úshin de jeke sanıtarlyq bólmeler, jedelsaty, pandýstar, arnaıy belgiler, psıholog, logoped jáne defektolog kabınetteri qarastyrylǵan. Al pán muǵalimderi ınteraktıvti tehnologııalar men pándik zerthanalardy qoldana otyryp, ár oqýshynyń qyzyǵýshylyǵy men qabiletine qaraı tulǵalyq damýyna jol ashady. Sonymen qatar «Adal azamat» tujyrymdamasynyń negizinde oqýshylardy eńbekqorlyqqa, adamgershilikke, adaldyqqa baýlıtyn qundylyqtar júıesi de qalyptaspaq.
Memleket tarapynan qolǵa alynǵan «Keleshek mektepteri» jobasy – tek jańa ǵımarattar salý nemese ınfraqurylymdy jańartý ǵana emes, sonymen qatar bilim berý mazmunyn túbegeıli jańǵyrtýǵa baǵyttalǵan keshendi ózgeris. Mundaı mektepterde oqýshynyń bilim alý traektorııasy jeke qabileti men qyzyǵýshylyǵyna sáıkes qurylady. Bul tásil bala boıyndaǵy jasyryn talanttardy ashýǵa, ony jan-jaqty damytýǵa múmkindik beredi dep oılaımyz. Osy tusta muǵalimderdiń kásibı biliktiligin arttyrý, pedagogıkalyq kadrlardyń zaman talabyna saı jańasha oılaýyna jol ashý – basty nazarda. «Keleshek mektepteri» tek oqýshyǵa emes, muǵalimge de jańa múmkindikter usynyp, ony úzdiksiz damýǵa jeteleıdi. Aýyl men qala mektepterine teń múmkindikter syılap otyrǵan bul joba – úlken úmit pen senim uıalatyp otyrǵan bastama. Iаǵnı aýyl balasy úshin de keń jol ashylyp, sıfrlyq bilimge, sapaly oqý resýrstaryna, ınteraktıvti tehnologııalarǵa qol jetkizý múmkindigi artady. Sonymen qatar aýyldyq mektepterge joǵary bilikti pedagogterdi tartý, olardyń áleýmettik jaǵdaıyn jaqsartý, úzdiksiz kásibı damý kýrstarymen qamtamasyz etý arqyly oqytý sapasyn arttyrý – bul saladaǵy júıeli ózgeristerdiń mańyzdy bóligi bolmaq. Bilim salasyndaǵy teń múmkindikter – áleýmettik ádilettiliktiń kórinisi ǵana emes, sonymen qatar ulttyq damý men órkendeýdiń berik negizi. Qala men aýyl mektebi arasyndaǵy alshaqtyqty azaıtý arqyly biz naǵyz sapaly, ınklıýzıvti jáne básekege qabiletti bilim júıesin qalyptastyramyz. Osylaısha, elimizdiń ıntellektýaldyq áleýetin arttyryp, jarqyn bolashaqqa jol ashyp, básekege qabiletti ult tárbıeleı alamyz degen senimdemiz. Sebebi bilim júıesin túbegeıli jańǵyrtý, qaýipsiz ári zamanaýı oqý ortasyn qalyptastyrý – san myńdaǵan balanyń armanyna aparatyn jol bolyp, olardyń daryny men qabiletin tolyq iske asyrýǵa múmkindik beretin naqty qadam bolmaq.
Gúlzada MANATAEVA,
№12 jalpy bilim beretin orta mektep dırektorynyń mindetin atqarýshy
Qaraǵandy oblysy,
Balqash qalasy
